Հայաստանի, Հնդկաստանի ու Իրանի մասնակցությամբ առաջիկայում Իրանում տեղի կունենա եռակողմ հանդիպում, որի ընթացքում քննարկման առարկան կլինի առեւտրային երթուղու հարցը, կդիտարկվի Չաբահար իրանական նավահանգստի հնարավորությունը:
Այլ մանրամասներ առայժմ չեն հրապարակվում: Մամուլի այդ տեղեկատվության պաշտոնական պարզաբանում դեռեւս չկա:
Միեւնույն ժամանակ, Իրանում եռակողմ այդպիսի հանդիպումը անշուշտ Հայաստանի համար կլինի կարեւոր ու ողջունելի, քանի որ Հայաստանով Հյուսիս-հարավ առեւտրային երթուղու, կամ Պսրսից ծոց-Սեւ ծով երթուղու ձեւավորումը մեր երկրի համար ունի ռազմավարական նշանակություն թե տնտեսական, թե առավել եւս աշխարհտնտեսական ու աշխարհաքաղաքական իմաստներով: Հիշեցնեմ, որ շաբաթներ առաջ Հայաստանում Հնդկաստանի դեսպանը Արմենպրեսին տված հարցազրույցում նշել էր, որ Դելին Երեւանից ակնկալում է առարկայական առաջարկներ Չաբահա նավահանգստի հնարավորությունների առնչությամբ:
Ինչպես հայտնի է, մայիսի 13-ին Իրանն ու Հնդկաստանը Թեհրանում ստորագրեցին իրանական Չաբահար նավահանգստի արդիականացման եւ շահագործման տասնամյա պայմանագիր: Չաբահարը դիտարկվում է նաեւ Ռուսաստան-Ադրբեջան-Իրան-Հնդկաստան առեւտրային երթուղու ծրագրի շրջանակում, սակայն Հայաստանի համար անշուշտ էականը գոյություն ունեցող իրողությունների պայմաններում սեփական շահերին համահունչ բովանդակություն ձեւավորելն ու շահընկերների հետ դրա առաջմղումն է:
Իսկ Հնդկաստանն ու Իրանը արտահայտվել են Պարսից ծոց-Սեւ ծով երթուղու՝ իրենց համար շեհեկանության վերաբերյալ, թեեւ հարկ է նկատել նաեւ, որ այդ երթուղին Իրանի ու Հնդկաստանի համար լինելով շահեկան մի շարք առումներով, այդուհանդերձ քաղաքական առումով ունի իրագործելության բարդություններ, կապված սեւծովյան ավազանի ռազմա-քաղաքական ստատուս-քվոյի հետ, որի հարցը բաց հարցերից մեկն է:
Բոլոր դեպքերում, դա ամենեւին չի նշանակում, որ երթուղու մյուս հարցերը եւս պետք է մնան բաց: Ըստ այդմ, Հայաստանի համար շատ կարեւոր է իր տարածքով անցնող ենթակառուցվածքի եւ հնարավոր առեւտրային երթուղու հարցում Հնդկաստանի եւ Իրանի հետ քննարկումների եւ աշխատանքի առավելագույնս գործնականցումը:
Իհարկե, թեեւ չի մանրամասնվում, թե ինչպիսին է լինելլու առաջիկայում Իրանում հնարավոր եռակողմ քննարկման ձեւաչափը, աստիճանակարգը կամ կարգավիճակը, բայց հարկ է հիշել, որ հայ-հնդկական-իրանական եռակողմ քաղաքական խորհրդակցություն արդեն անցկացվելլ է եւ դա տեղի է ունեցել Երեւանում, 2023 թվականի ապրիլին, ԱԳ նախարարությունների մակարդակով:
Պատվիրակությունները գլխավորել են Հայաստանի ԱԳ նախարարի տեղակալ Մնացական Սաֆարյանը, Իրանի ԱԳՆ Հարավային Ասիայի գլխավոր վարչության պետ Սեյեդ Ռասուլ Մուսավին և Հնդկաստանի ԱԳՆ տարածքային գլխավոր վարչության պետ Ջիտենդեր Պալ Սինգհը: Անցել է ավելի քան մեկ տարի եւ կարծես թե ակնառու է, որ այդ ժամանակը բավականին մեծ է՝ դադարի համար:
Բաց մի թողեք
Բլինկենն ի՞նչ առաջարկներ է ներկայացրել կողմերին
Սեպտեմբերի 16-ի ներկայացված տարադրամի փոխարժեքներն են
Մենք ուսումնասիրել ենք ՀՀ զբոսաշրջային ներուժը դիվանագիտական կապերի ամրապնդման հարցում․ Պոլոլիկաշվիլի