ՀՕՊ համակարգերը գիշերը ռուսական երկու շրջաններում ոչնչացրել են ուկրաինական անօդաչու թռչող սարքեր։ Այս մասին հայտնում է ՌԴ ՊՆ մամուլի ծառայությունը։
Գերատեսչությունից հայտնել են, որ գիշերը ռուս զինվորականները Բելգորոդի շրջանում չորս անօդաչու թռչող սարք են խոցել, իսկ Կուրսկի շրջանում՝ երեքը։ Այդպիսով նրանք կասեցրին Ռուսաստանի Դաշնության տարածքում գտնվող օբյեկտների վրա ինքնաթիռային անօդաչու թռչող սարքերի օգտագործմամբ ահաբեկչություն իրականացնելու Ուկրաինայի փորձը, նշել է մամուլի ծառայությունը։
Նախօրյակին հերթապահ հակաօդային պաշտպանության համակարգերը Բելգորոդի մարզում ոչնչացրել են Ուկրաինայի զինված ուժերի անօդաչու թռչող սարք։
133 հազար մարդ լքել է ՌԴ Կուրսկի մարզի սահմանամերձ շրջանները, հայտարարել է մարզպետի պաշտոնակատար Ալեքսեյ Սմիրնովը նախագահ Վլադիմիր Պուտինի մասնակցությամբ սահմանամերձ շրջաններում տիրող իրավիճակին նվիրված հանդիպմանը։
Մարզի ղեկավարի խոսքով՝ սահմանային գոտում մնում է մոտ 20 հազար մարդ։ Ընդհանուր առմամբ, օպերատիվ շտաբի որոշմամբ վերաբնակեցման ու տարհանման մասին որոշված գոտում բնակվել է 152,5 հազար մարդ։
Օգոստոսի 12-ին Սմիրնովը Պուտինին զեկուցել է, որ մարդկանց տարհանում են Կուրսկի ութ շրջաններից՝ վեց սահմանամերձ և երկուսը Կուրսկի ատոմակայանի հարևանությամբ։ Այնուհետև նա գնահատել է, որ միջոցառումները կվերաբերեն մոտ 180 հազար մարդու։
Բաց մի թողեք
Պայմանագիր՝ 20 տարի ժամկետով. Փազեշքիանն ու Պուտինը կհանդիպեն, փաստաթուղթը կստորագրեն Կրեմլում
Շվեյցարիան բա չի ձերբակալի Պուտինին, երբ նա գնա Թրամփի հետ այնտեղ հանդիպման
Պուտինը կարծում էր, որ 3 օրում կնվաճի Կիևը, բայց Կիևի կենտրոնում ես էի, ոչ թե նա. Բայդեն