Իսրայելական ավիահարվածի հետևանքով սպանվել է Լիբանանում ՀԱՄԱՍ-ի շտաբի ղեկավարը. Լուսանկար

Իսրայելն ավիահարված է հասցրել Բեյրութի Կոլա թաղամասին, որտեղ հիմնականում քրիստոնյա և սուննի բնակչություն է:

Հարձակման ենթարկված շենքերի մեջ է նաև հայտնի քրիստոնյա քաղաքական գործիչ Նաջի Վակիմի տունը:

Լիբանանի հարավում իսրայելական ավիահարվածի հետևանքով սպանվել է Լիբանանում պաղեստինյան ՀԱՄԱՍ շարժման շտաբի ղեկավար Ֆաթահ Շարիֆ Աբու ալ-Ամինը։

Շարժման հեռագրային ալիքում զետեղված տեղեկատվության համաձայն՝ հարվածը հասցվել է Աբու ալ-Ամինի տան վրա, որը տեղակայված է Պաղեստինցի փախստականների Էլ-Բաս ճամբարում՝ Սուր քաղաքի մոտակայքում։

Նա նույնպես Միացյալ Նահանգների ահաբեկչական ցուցակում է ներառված։