«Միշտ պետք է հիշենք, որ այս ծրագրերում Երևանի քաղաքապետարանը որևէ պարտավորություն չունի, սա բարի կամքի դրսևորում է, երևանցիների անվտանգության խնդրի լուծում եմ ես համարում»:
Այս մասին Երևանի քաղաքապետարանի գործակարգավարական խորհրդակցության ժամանակ հայտարարել է Երևանի քաղաքապետ Տիգրան Ավինյանը՝ անդրադառնալով Արզումանյան փողոցի 4-րդ կարգի վթարային շենքերի բնակիչների խնդրին։
«Բնակիչները դեմ են այս գործընթացին, խոսքը 4-րդ կարգի ռիսկայնության շենքի մասին է, որը չգիտես՝ երբ կփլվի, բայց որ կփլվի, վստահաբար: Այդ բնակարանների արժեքը 0-ին մոտ է, զրո արժեք ունեցող բնակարանների համար Երևանի քաղաքապետարանը նախագծել է ծրագիր, որով բնակիչներին միաժամանակ վարձի գումար է փոխհատուցվելու, որից հետո նույն տեղում կառուցված շենքում նույն բնակիչներին արդեն արժեքավոր բնակարաններ են տրամադրվելու»,- ասաց նա։
Ավինյանը նաև նշեց, որ այս գործընթացի ձգձգման դեպքում հնարավոր է, որ քաղաքապետարանն առհասարակ հրաժարվի այդ ծրագրից։
Բաց մի թողեք
Հայտնաբերվել է որոնվող երիտասարդի մարմինը. Լուսանկար
Նոյեմբերի 5-ին Երևանում սպանված կինը նախարարություններից մեկի աշխատակից էր
Մանրամասներ Կոմիտասի «Երևան սիթի»-ի տանիքում բռնկված հրդեհից․ Լուսանկար