Հայկ Մելիքյան և Սերգեյ Սմբատյան՝ Հայաստանի սիմֆոնիկ նվագախումբ, ժամանակակից կոմպոզիտորների գործերի հրաշալի մատուցում․ Լուսանկար, Տեսանյութ

«Արմենիա» միջազգային երաժշտական 8-րդ փառատոնի շրջանակում՝ ՀՀ Էկոնոմիկայի նախարարության ՀՀ Զբոսաշրջության կոմիտեի աջակցությամբ հոկտեմբերի 10-ին տեղի ունեցավ հրաշալի համերգ։ Արամ խաչատրյանի անվան ֆիլհարմոնիկ մեծ համերգասրահում ներկայացվեցին ժամանակաակից կոմպոզիտորների նույնքան ժամանակակից ստեղծագործությունները․ Տիգրան Մանսուրյան. Ֆանտազիա թիվ 1, որը Հայաստանի սիմֆոնիկ նվագախմբի և անկրկնելի դաշնակահար Հայկ Մելիքյանի մենակատարությամբ։ Ինչպես նաև Արմեն Սմբատյանի Մագաղաթ սիմֆոնիկ պոեմը և Էդուրադ Հայրապետյանի Հուր հուր մեծ թիթեռ 12 մասերից բաղկացած ստեղծագործությունները։ Կոմպոզիտորներ Տիգրան Մանսուրյանն ու Էդուարդ Հայրապետյանը ներկա էին դահլիճում և հանդիսատեսի հետ միասին վայելում էին իրենց երկնած ստեղծագործությունների հրաշալի կատարումները։ Կրկնակի հաճելի է, երբ Հայաստանի սիմֆոնիկ նվագախումբը մեկ անգամ չէ, որ իր փառատոններում ու համերգաշարերում անդրադառնում է ժամանակակից հայ կոմպոզիտորների ստեղծագործությւոններին ու այդպիսով հնագատում նրանց արդի ժամանակում կատարած աշխատանքն ու ինչու ոչ նաև վաստակը։ Չէ որ այն նաև գուցե առաջին հերթին մեծագույն հաճույք ու խթան է նաև նույն թեկուզ և բազմավաստակ կոմպոզիտորների համար։

Սիմոն Սարգսյան

Տեսանյութում փոքրիկ հատված է Տիգրան Մանսուրյանի Ֆանտազիա թիվ 1, դաշնամուրի եւ նվագախմբի համար ստեղծագործությունից։