Հոկտեմբերի 12-ին արտակարգ դեպք է տեղի ունեցել Կոտայքի մարզում։
Ժամը 20։30-ի սահմանում ՀՀ ներքին գործերի նախարարության ոստիկանության պարեկային ծառայության Կոտայքի մարզի գումարտակում օպերատիվ տեղեկություններ են ստացվել, որ Զովունի գյուղի սկզբնամասում՝ «Ադանա» սգո սրահի դիմացի մայթին գտնվող շինության ներսում վիճաբանություն, ծեծկռտուք է տեղի ունեցել և կա վիրավոր։
Ինչպես հայտնում է shamshyan.com-ը, պարեկները նշված շինության առաջին հարկում հայտնաբերել են ամբողջությամբ արյունոտված մի քաղաքացու, որը տեղափոխվել է «Արմենիա» բժշկական կենտրոն:
Այնուհետև վիրավորը հիվանդանոցից վերադարձել է ու պատմել, որ իրեն վնասվածքներ է պատճառել իր հետ մնացող Հնդկաստանի քաղաքացիներից մեկը, իսկ մյուս 2-ն ականատես են եղել այդ ամենին:
Նա ցույց է տվել ներսում արնանման հետքերի մոտ ընկած սրիչը՝ ասելով, որ դրանով են իրեն վնասվածքներ պատճառել։ Դեպքի փաստով Նաիրիի քննչական բաժնում նախաձեռնվել է քրեական վարույթ։
Ոստիկանությունն ու քննչական բաժինը պարզում են դեպքի հանգամանքները, վիրավորի և ոստիկանության Նաիրիի բաժին տեղափոխված անձանց ինքնությունը։
Բաց մի թողեք
Նարեկ Կարապետյանի հարցազրույցը Թաքեր Կարլսոնին՝ հայերեն թարգմանությամբ․ Տեսանյութ
Վաղը՝ հայության պարտության օրը, Փաշինյանը հերթական ծես է կազմակերպել
Ողբերգական վթար Երևան-Մեղրի ճանապարհին, 1 մարդ մաhացել է. Լուսանկար