ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հայտնել է, որ ԵՄ անդամ երկրների արտգործնախարարները երկուշաբթի օրը՝ հոկտեմբերի 14-ին, քննարկել են Վրաստանի և Մոլդովայի նախընտրական իրավիճակը։
«Մենք քննարկել ենք իրավիճակը Մոլդովայում և Վրաստանում։ Առաջիկա շաբաթներին երկու երկրներին էլ սպասվում են վճռորոշ ընտրություններ։ Մոլդովան զգալի առաջընթաց է գրանցում Եվրամիությանն անդամակցելու ուղղությամբ՝ չնայած Ռուսաստանի աճող ճնշմանը:
«Վրաստանում պատկերն ավելի բարդ է՝ համեմատած Մոլդովայի հետ։ Իշխող կուսակցության գործողությունները, հայտարարություններն ու նախընտրական խոստումները երկիրը հեռացնում են ԵՄ-ին անդամակցելու ճանապարհից և վկայում են ավտորիտարիզմի մասին։ Ուստի ԵՄ-ին անդամակցելու գործընթացը դե ֆակտո կասեցված է»,- վրացական ԶԼՄ-ների հաղորդմամբ՝ ասել է Բորելը:
Նա նշել է, որ պետք է սպասել գալիք խորհրդարանական ընտրությունների արդյունքներին, որոնք, ըստ նրա, վճռորոշ փորձություն են լինելու Վրաստանի ժողովրդավարության և Եվրամիությանն անդամակցելու ճանապարհի համար։
Բաց մի թողեք
Նիկոլ Փաշինյանը ներքին չարության հսկայական ծավալ ունի․ Քոչարյան
Լուկաշենկոն պատասխանատվության կենթարկվի, ամեն ինչի համար պատասխան կտա․ Զելենսկի
Ադրբեջանով ռուսական ցորենի ներկրումը կապ չունի Վաշինգտոնի համաձայնագրի հետ․ Սուրենյանց