«Եթե ուզում ենք համապատասխան տուրիստական հոսքեր ապահովել, եթե ուզում ենք՝ մեր երևանցիները նորմալ տոնակատարություն ունենան, պետք է ամեն տարի շարունակական ներդրումներ անենք»:
Լրագրողների հետ հանդիպմանը խոսելով մայրաքաղաքի ամանորյա տոնական ձևավորման մասին՝ ասաց Երևանի փոխքաղաքապետ Սուրեն Գրիգորյանը։
«Սխալ է այն պնդումը, թե ծախսերի առումով տարեցտարի ռեկորդ ենք սահմանում։ 2022-23 թվականներին ծախսել ենք 600 մլն դրամ։ Դա այն տարին էր, երբ մենք շատ գումար ներդրեցինք, սարքավորումներ ձեռք բերեցինք, որոնք արդեն երրորդ տարին է՝ օգտագործում ենք։ Այդ տարի հրապարակում գլխավոր շատրվանի ձևավորում չենք ունեցել, սուրբծննդյան տոնավաճառն այն որակին չէր, ինչպիսին կուզեինք տեսնել։ Նախորդ տարվա ընթացքում ծախսել ենք 626 մլն 926 հազար դրամ։ Ձեռք ենք բերել սուրբծննդյան տոնավաճառի տնակները, դրանք այս տարի կօգտագործենք»,- մանրամասնեց փոխքաղաքապետը։
Նրա խոսքով՝ այս տարվա բյուջեն ավելի պակաս է, քան անցած տարվանն է եղել՝ 549 մլն 706 հազար դրամ: Սուրեն Գրիգորյանն անդրադարձել է ամանորյա ձևավորման համար Հանրապետության հրապարակի շենքերի վրա լույսեր փակցնելու նպատակով անցքեր բացելուն։
«Անցած տարի ասացինք, որ անցքերն էականորեն ավելի քիչ են բացվելու, քան նախկինում։ Եվ սա այն պատճառով, որ լինելու են մետաղյա կոնստրուկցիաներ, որոնց վրա էլ լույսերն ամրացվելու են։ Ինչպես անցած տարի, այս տարի ևս միջոցառումից հետո անցքերը փակվելու են, և մենք էլ շատ ուշադիր հետևում ենք այդ գործընթացին»,- ասել է նա և հավելել, որ այս տարի օգտագործվելու են նախկինում բացված անցքերը:
Գրիգորյանի խոսքով՝ դրանք ձևավորումը հանելուց հետո խնամքով փակվել են այնպես, որ հաճախ դժվար է տեսնել բոլոր փոփոխությունները: Այդ հարցերը, ըստ նրա, ամրագրված են պայմանագրում։
Բաց մի թողեք
Բիթքոյնի գինը երկրորդ անգամ հասել է նոր պատմական առավելագույնին
Նոյեմբերի 21-ի ներկայացված տարադրամի փոխարժեքներն են. Դոլարը թանկացել է, ռուբլին՝ էժանացել
Հոկտեմբերին վարձու աշխատողի չձևակերպման դեպքեր արձանագրվել են 41 հարկ վճարողի մոտ․ տուգանքի չափը՝ 24.5 մլն դրամ