Երեւանի Մալաթիա-Սեբաստիա վարչական շրջանը ծաղիկներ եւ ծաղկեպսակներ գնելու հայտ է ներկայացրել Երեւանի քաղաքապետարան, ինչն արդեն հաստատվել է։ Քաղաքապետարանն էլ իր հերթին հայտարարել է մրցույթ՝ ծաղիկների մատակարարողին գտնելու համար։
Հրապարակ թերթը գրել է․ Մալաթիա-Սեբաստիա վարչական շրջանի ղեկավար Ռոմիկ Մխիթարյանից հետաքրքվեցինք՝ ծաղիկները եւ ծաղկեպսակները վարչական շրջանն ի՞նչ է անում, պատասխանեց․ «Եռաբլուր գնալու դեպքում ենք տանում ծաղկեպսակները, մենք տարեցներ ունենք․․․իսկ ծաղիկները նվիրում ենք, օրինակ, երբ պարգեւատրում ենք, պե՞տք է ծաղիկ տանք չէ»։
Մխիթարյանը մեզ նաեւ փոխանցեց, որ 2025-ի համար 1 միլիոն դրամի ծաղիկներ գնելու հայտ են ներկայացրել, սակայն, հնարավոր է, որ գնումը կատարվի ավելի մատչելի տարբերակով։
Նշենք, որ տարվա կտրվածքով ծաղիկների եւ ծաղկեպսակների գնման համար 1 միլիոն դրամը փոքր թիվ չէ։ Ծաղկեպսակի գինը 15-20 հազար դրամի սահմանում է, իսկ ծաղկային փնջեր կարելի է գտնել նաեւ 3000 դրամից սկսած։
Բաց մի թողեք
Ինչու են համայն աշխարհի հրեական ռաբբիներ հոկտեմբերի վերջին հավաքվում Բաքվում
Թուրքիայի արտգործնախարար Ֆիդանն ինչ էր ուզում ասել, ինչ ակնկալիքներ ունի Հայաստանից
Փաշինյանի հերթական խաղը՝ բոլորին մշտապես լարվածության ու վերահսկողության տակ պահելու համար