Փարիզում ընթանում է հրդեհից հետո վերականգնված Աստվածամոր տաճարի բացման արարողությունը

Փարիզում ընթանում է հրդեհից հետո վերականգնված Աստվածամոր տաճարի բացման արարողությունը։

Միջոցառմանը մասնակցել են Ֆրանսիայի նախագահ Էմանուել Մակրոնը, ԱՄՆ նորընտիր նախագահ Դոնալդ Թրամփը, Գերմանիայի նախագահ Ֆրանկ-Վալտեր Շտայնմայերը, Մեծ Բրիտանիայի արքայազն Ուիլյամը, միլիարդատեր Իլոն Մասկը, Իտալիայի վարչապետ Ջորջիա Մելոնին, Ուկրաինայի նախագահ Վլադիմիր Զելենսկին և այլ քաղաքական գործիչներ։

BFMTV-ի փոխանցմամբ՝ արարողությունը պաշտոնապես սկսվել է Աստվածամոր տաճարի զանգերի ղողանջով։ Մայր տաճարի դռները բացել է արքեպիսկոպոս Լորան Ուլրիխը։ Նրան ուղեկցում էր կրոնական երթը։

Միջոցառման ներկաները ոտքի վրա երկար ծափահարել են տաճարը վերականգնող մասնագետներին ու հրդեհը մարած հրշեջներին։