Իվանիշվիլիի որոշմամբ՝ Կոբախիձեն կթողնի Վրաստանի վարչապետի պաշտոնը

Վրաստանի վարչապետ Իրակլի Կոբախիձեն պատրաստվում է լքել իր պաշտոնը։

Այս մասին հայտնում են տեղական լրատվամիջոցները։

Իշխող «Վրացական երազանք» կուսակցության հիմնադիր և պատվավոր նախագահ Բիձինա Իվանիշվիլին արդեն համապատասխան որոշում է կայացրել։

Նշվում է, որ Իվանիշվիլիի հեռախոսազրույցը Մակրոնի հետ արագացրել է Կոբախիձեի հրաժարականի որոշման ընդունումը:

Հիշեցնենք՝ Վրաստանի խորհրդարանի մեծամասնությունը, որի լեգիտիմությունը չեն ճանաչում նախագահն ու ընդդիմությունը, բավարարել է իր 8 թիմակցի խնդրանքը՝ չեղյալ համարել պատգամավորական մանդատները։

Այս հարցի քվեարկությունը տեղի է ունեցել դեկտեմբերի 10-ին։

Չեղյալ են հայտարարվել «Վրացական երազանքի» հիմնադիր Բիձինա Իվանիշվիլիի, կուսակցության նախագահ Իրակլի Ղարիբաշվիլիի, վարչապետ Իրակլի Կոբախիձեի, նախագահի թեկնածու Միխեիլ Կավելաշվիլիի, ինչպես նաև մի քանի նախարարի և փոխնախարարի պատգամավորական մանդատները: