Իշխանական պատգամավոր Հայկ Սարգսյանը (շիշ բռնող) վերջին շրջանում ակտիվացել է սոցիալական ցանցերում։
Հրապարակ թերթը գրել է. Նա նախ լուսանկար հրապարակեց` ցույց տալով, թե ինչ տեսք ունի 2,3 միլիոն դոլարը` հպարտանալով, որ այն իր հեղինակած օրենքի կիրառման արդյունքում է լցվել պետական բյուջե։
Հիմա էլ ռեպորտաժ է նկարել` համալիրի հարակից տարածքում գտնվող մի լքված սրճարանի մասին։ Նա իր խոսքում նշում է, որ նման սրճարան կա, մինչդեռ այն նախկինում է եղել սրճարան եւ այժմ, մեղմ ասած, անմխիթար վիճակում է։
Սարգսյանը ռեպորտաժում պատմում է, որ այդ տարածքը պետական գույք է, ապա խնդրում է` մեկնաբանությունում նշել` կցանկանա՞ն գույքը տրվի վարձով, որի միջոցները կուղղվեն պետական բյուջե։
Չխոսենք պատգամավորի ոչ պրոֆեսիոնալ ռեպորտաժի մասին, հարցն այն է, որ պատգամավորն իր բանուգործը թողած, զբաղված է գովազդ նկարելով` պետական բյուջեն լցնելու համար։ Իհարկե կարելի է սրա մասին խոսել, բարձրաձայնել ԱԺ֊ում, բայց գովազդային ռեպորտաժ նկարելը հաստատ պատգամավորի գործառույթներից չի բխում:
Բաց մի թողեք
Էկոնոմիկայի նախարարությունը ջրամբարների կամ կաթիլային ոռոգման մասին տվյալներ չունի
Ֆուտբոլային անարխիա. ՀՖՖ ղեկավարությունը անգործության է մատնվել
ՀՀ իշխանությունը 28 մլն դրամ է ծախսել առեւտրային կցորդ ունենալու համար, մինչ Իրանին համոզում է, որ «Թրամփի ուղին» դեպի աշխարհ միակ ելքն է