Շերն անկեղծորեն պատմել է երաժշտական պրոդյուսերի մասին, որը ցանկացել է սեքսով զբաղվել իր հետ, երբ նա 15 տարեկան էր, իսկ հետո նրա վրա ատրճանակ է ուղղել։
Վերջերս լույս տեսած «Շեր. Հուշեր, մաս առաջին» գրքում 78-ամյա լեգենդը մանրամասն պատմել է հանգուցյալ Ֆիլ Սպեկտորի հետ ունեցած «տարօրինակ» շփումների մասին։ Նա ծանոթացել է նրա հետ 1960-ականների սկզբին իր այն ժամանակվա ընկերոջ՝ երաժիշտ Անտոնինո Լոտեմպիոյի միջոցով: Եվ նա այն ժամանակ 15-ամյա Շերին՝ Շերիլին Սարգսյանին, հրավիրել է հանդիպել Սպեկտորի հետ հյուրանոցի համարում:
«Շատերի համար նա կարող էր կիսաստված լինել, բայց նա իրեն տարօրինակ պահեց, եւ ինձ դուր չեկավ, թե ինչպես է նա նայում ինձ»,- գրել է նա երաժշտական պրոդյուսերի մասին իր հուշերում։
Նրա խոսքով՝ նա ոտքից գլուխ նայել է իրեն եւ ֆրանսերեն անպարկեշտ առաջարկություն արել։
«Voulez-vous coucher avec moi? (Ուզո՞ւմ ես քնել ինձ հետ?)»,- ասել է նա ժպտալով: Երգչուհին համարձակորեն պատասխանել է, որ փողի դիմաց նրա հետ սեռական հարաբերություն կունենա։ «Նա չէր կարծում, որ հարցը կհասկանամ, էլ չեմ ասում պատասխանի մասին»։
Ավելի ուշ իր հուշերում Շերը նաեւ հիշել է այն դեպքը, երբ Սպեկտորն անօրինական կերպով օգտագործել է իր վոկալը եվրոպական սինգլում՝ նրանց համագործակցությունից տարիներ անց:
Զայրացած երգչուհին բախվել է Սպեկտորի հետ պայմանագրի խախտման պատճառով, սակայն թշնամանքի է հանդիպել։ Շերի խոսքով՝ պրոդյուսերը փորձել է վախեցնել իրեն։ Նա, իբր, ատրճանակը ուղղել է գերաստղի վրա՝ իր տեսակետը փոխանցելու համար:
«Կատաղի նայելով նրան՝ ես ասացի. «Մի կատակիր ինձ հետ, Ֆիլիպ»,- գրել է նա իր գրքում այդ պահի մասին։ «Վայր դիր այս անիծյալ ատրճանակը եւ խոստացիր, որ այլեւս երբեք նման բան չես անի իմ երաժշտության հետ, լա՞վ»,- անվախ ասել է նա։
Բաց մի թողեք
Հոկտեմբերի 17-ի աստղագուշակ․ Օրը շատ արդյունավետ կանցնի
Հյուսիսային Ամերիկայի հայ առաքելական եկեղեցու թեմական առաջնորդները կոչ են արել․ Լուսանկար
Ինչ պետք է անել հափշտակության զոհ դառնալուց խուսափելու համար․ ՆԳՆ-ն զգուշացնում է