Կրակոցներ Վանաձորի կենտրոնում. հայտնաբերվել են արյան հետքերով մեքենաներ, կա տուժած. Լուսանկար

Հունվարի 6-ին Վանաձորի կենտրոնում՝ Տիգրան Մեծի պողոտա-Տերյան փողոցի խաչմերուկում մի խումբ անձանց միջև վիճաբանություն և ծեծկռտուք է տեղի ունեցել, որի ժամանակ հնչել են կրակոցներ։

Կրակոցների հետևանքով կա տուժած, որը վիրավորում է ստացել ձեռքի շրջանում:

Shamshyan.com-ի հաղորդմամբ՝ դեպքի վայրն այժմ սահմանազատված է և փակ երթևեկության համար, աշխատում են քննիչներն ու փորձաքրեագետը:

Դեպքի վայրում հայտնաբերվել են ատրճանակից կրակված 4 պարկուճ, արնանման հետքեր, քարեր, որոնց վրա եղել են արնանման հետքեր, կայանված «Volkswagen» և «Nissan» մակնիշի ավտոմեքենաներ՝ Տերյան փողոցի հատվածում, որոնց վրա նույնպես եղել ենմարնանման հետքեր։

Դեպքի փաստով Լոռու մարզային քննչական վարչությունում նախաձեռվել է քրեական վարույթ։