Լոս Անջելեսի անտառային հրդեհների հետևանքով ամբողջությամբ այրվել է Փասադենայի հայկական «Սահակ-Մեսրոպ Հայ Քրիստոնյա» դպրոցը։
«Սահակ-Մեսրոպ Հայ Քրիստոնյա»-ն մասնավոր դպրոց է, որը հիմնվել է 1980 թվականին։ Ունի մանկապարտեզ և միջին (միջնակարգ) բաժին։ Անգլերենով դասավանդվող պետական ծրագրին զուգահեռ ուսուցանվում են հայոց լեզու, պատմություն, կրոն։
Հունվարի 7-ին բռնկված ու արագ տարածվող հրդեհի գոտում են Փասադենա, Փելիսեյդ, Սանտա Մոնիկա, Մալիբու, Սիլմար բնակավայրերը։ Այն սպառնում է նաև հայաշատ բնակավայրերի՝ Գլենդեյլ, Բըրբանք, Փասադենա, Սիլմար։
Կրակից չեն փրկվել Փելիսեյդ էլիտար թաղամասի բազմաթիվ առանձնատներ: Այս թաղամասը հայտնի է իր աստղային բնակիչներով՝ Թոմ Հենքսից մինչև Ջենիֆեր Լոպես։
Լոս Անջելեսում արտակարգ դրություն է հայտարարվել։ Վերջին տվյալներով՝ երկու մարդ մահացել է, 70 000 մարդ տարհանվել է։ Կրակը մարելու աշխատանքներում ներգրավված է շուրջ 1500 հրշեջ, սակայն ուժգին քամու պատճառով կրակի տարածումը չի հաջողվում կանխել։
Բաց մի թողեք
Ապրիլի 18-ը Հուշարձանների և տեսարժան վայրերի միջազգային օրն է․ Երևանում և մարզերում միջոցառումներ կանցկացվեն
Ստեղծվել է «Կրթվելը նորաձև է» ՀԿ․ ընդունվել է անդրանիկ հայտարարությունը․ Լուսանկարներ
Չգիտեմ՝ ոնց ասեմ, որ ասածս ճիշտ ընկալվի. Ժաննա Անդրեասյան