Լրագրող Թաթուլ Հակոբյանը «Ֆեյսբուք»-ի իր էջում գրել է, որ Հայաստանի ռուսամետ ուժերը գալիք խորհրդարանական ընտրություններում երկու լրջագույն խնդրի են բախվելու:
«Հայաստանի ռուսամետ ուժերը (սա պայմանական անուն է, որովհետև Հայաստանի բոլոր ուժերը հայաստանյան են և հայկական, նույնը վերաբերում է արևմտամետ ձևակերպմանը) գալիք խորհրդարանական ընտրություններում երկու լրջագույն խնդրի են բախվելու.
ա/ նրանք ոչ միայն չեն կարողանում միավորել ընդդեմ Նիկոլ Փաշինյանի, այլ միմյանց հանդեպ ունեն ընդգծված և հրապարակային հակակրանք, որից միայն և միայն շահելու է Փաշինյանը:
բ/ Հայաստանի հանրությունը, անգամ ամենառուսամետ շրջաններն ու գյուղական բնակավայրերը, 2022 թվականի սեպտեմբերյան ներխուժումներից և 2023-ի սեպտեմբերյան արհավիրքից հետո ամբողջովին երես են թեքել Ռուսաստանից: Այսօր Հայաստանում, նկատի ունեմ ոչ քաղաքական և պետական շրջանակներում, Ռուսաստանից հիասթափությունն ու զայրույթը ավելի խորն է, քան էր 1920 թվականի բոլշևիկ-քեմալական դավադրության օրերին և բոլոր այն ժամանակներում, երբ ցարական՝ Ռոմանովների ռուսական կառավարությունը վարում էր հայատյաց քաղաքականություն:
Կարծում եմ՝ Ռուսաստանի գործոնը, ինչ անունով էլ շրջանառվի, միայն քվեներ է տանելու պայմանական ռուսամետ ուժերից:
Բաց մի թողեք
Արդյո՞ք սա նշանակո՞ւմ է, թե վաղը պատերազմ չի սկսվի․ Վարդան Ոսկանյան
Եթե այս էջը ձեր աչքով ընկնի, իմացեք՝ սա ակնհայտ ադրբեջանական ֆեյք էջ է․ Լուսանկար
Շարունակել պայքարը Ռուբեն Վարդանյանի ազատ արձակման համար, ես շարունակելու եմ