Միջազգային ասպարեզում խոշոր պետությունների միջև աշխարհաքաղաքական մրցակցությունը սրվում է, և միջուկային տերությունների միջև դաժան բախման ռիսկերը մեծանում են:
Այս մասին ՏԱՍՍ-ին տված հարցազրույցում ասել է ՌԴ անվտանգության խորհրդի քարտուղար Սերգեյ Շոյգուն։
«Աշխարհում աճող հակամարտությունների և ուժեղացված աշխարհաքաղաքական մրցակցության ֆոնին մեծանում են խոշոր պետությունների միջև դաժան բախման ռիսկերը, այդ թվում՝ միջուկային տերությունների մասնակցությամբ»,- նշել է Շոյգուն։
Ըստ նրա՝ արևմտյան երկրները «գաղափարական և արժեքային ագրեսիա» են սանձազերծել Ռուսաստանի և Բելառուսի դեմ և փորձում են հարվածել ոչ միայն տնտեսական պատժամիջոցներով, այլև ապակայունացնել երկրների ներքաղաքական իրավիճակը։
«Ներքին իրավիճակն ապակայունացնելու, սոցիալական հիմքերը խարխլելու և խորթ նեոլիբերալ գաղափարախոսություն պարտադրելու փորձերը շարունակվում են»,- ասել է ՌԴ անվտանգության խորհրդի քարտուղարը։
Բաց մի թողեք
Հերթական անգամ ինչ է բարբաջել Ալիևի օգնական Հիքմեթ Հաջիևը
Ադրբեջանն ու Հայաստանն ավարտել են խաղաղության համաձայնագրի մասին բանակցությունները․ Բայրամով
Ավելի քան 200 ուղևոր արգելափակվել է դեպի Երևան չվերթի ուշացման պատճառով․ ինչ է հայտնի