ՀԱԿ փոխնախագահ Լևոն Զուրաբյանը ֆեյսբուքյան իր էջում գրում է․
«Գերագույն գլխավոր կեղծարարը հայտարարել ա, որ Հայոց Համազգային Շարժումը նույնպես եղել է դաշնակցական գաղափարախոսության կրող (այսինքն հետապանդել է հայդատական, պահանջատիրական նպատակներ):
Երկու ամիս առաջ նույն մարդը ասում էր, որ 1994 թվականից բանակցել ենք Արցախը Ադրբեջանի կազմում թողնելը:
Սա անգամ չի կարողանում երկու սուտ հորինի, որ իրար չհակասեն»:
***
Դիտում էի Փաշինյանի Ֆրանսիայի հայ համայնքի ներկայացուցիչների հետ հանդիպումն իր ֆեյսբուքյան էջում, որ նա անվանում է այսպես՝ «Այսպես բացեցի հանդիպումը»։ Նա խոսում էր քաղաքական տրնասֆորմացիայի մասին։ Ես դրան չեմ անդրադառնա, քանի որ նույնը կրկնել է Վաշինգտոնի հայ համայնքի հետ հանդիպմանը։
Հրապարակ թերթը գրել է․ Նա հայտարարեց, որ ՀՀ բոլոր կուսակցություններն առաջացել են Դաշնակցություն կուսակցությունից։ Հայաստանում մինչ հիմա մի կուսակցություն է եղել՝ Դաշնակցություն կուսակցությունը։ Ու դա մի քանի դրվագներով, տարբեր ենթատեքստերով կրկնում է։ Ասում է, որ ՀՀՇ-ն, ԱԺՄ-ն, ՔՊ-ն, բոլորը կուսակցություններն առաջացել են Դաշնակցության կուսակցության գաղափարախոսության հենքի վրա։
Առանձնապես տրամաբանություն պետք չէր հասկանալու, որ նա սփյուռքահայ դաշնակցականներին շոյելու իմիտացիա է ստեղծում։ Նրա շոյանք կոչվող իմիտացիան շուտով բացահայտվեց։ Բոլորը դաշնակցական են եղել, որովհետև նրանց գաղափարախոսությունն է եղել հայրենի հողը չհանձնելը, պաշտպանելը, հայ դատը, հերոսության դասերը։ Դա ինքը ուղղակի չի ասում, դեռևս վստահ չէ, թե դա ինչպես կընդունվի։
Դրան այլընտրանք ներկայացնում է իր խաղաղության ծրագիրը, որը հանձնումների, զիջումների, հայ դատի հրաժարման շղթա է, և տրանսֆորմացիան ինքը հենց այդ առումով է հանրության մեջ փորձում ներդնել։ Ստացվում է, որ նախկինում Փաշինյանը, իր ՔՊ-ն դաշնակցական են եղել, որովհետև առաջնորդվել են դաշնակցության գաղափարախոսությամբ, այսօր ինքը դուրս է եկել կուսակցությունից ու դարձել ոչ մի բան։
Ինքը այլևս անցյալ, պատմություն, հող հայրենի չունի և իրական Հայաստան կամ Արևմտյան Ադրբեջան է ստեղծում։ Ես այսպես ընկալեցի նրա ելույթի բացումը, որը եթե դիմադրության չհանդիպի, հետագայում կասի՝ բայց ես ասում էի, իսկ դուք հեզ ու խոնարհ լսում էիք։ Ինչևէ, Փաշինյանի ելույթից հետևյալը հասկացա։
Ինքը դաշնակցական է եղել, դե եթե ՔՊ-ն դաշնակցական հենքի վրա է եղել, պետք է ենթադրել, որ նրա նախագահն էլ դաշնակցական է եղել։ Հիմա այդ գենետիկ հենքից փորձում է դուրս գալ ու ժողովրդին վարակի դրանով։ Թե հետո ինչ կդառնա, պարզ չէ, թեև ժողովուրդն արդեն իր գնահատականը տվել է։
Մնում է սպասել Դաշնակցության ու մյուս կուսակցությունների արձագանքին:
Բաց մի թողեք
«Պայծառ ժողովրդավարական ապագայի» խորհրդանիշ ու մարմնավորում, մնացել է Եվրոպան, իսկ ԱՄՆ-ն միացել է «չարերի» ճամբարին
Եկեք տեսնենք, թե ինչ է այս օրերին կատարվում Սիրիայում
ՀՀ կառավարման համակարգը Հայաստանում միապետական է եղել առաջ եւ այդպիսին է հիմա