ԱՄՆ-ում 14 նահանգ դատական հայց է ներկայացրել միլիարդատեր Իլոն Մասկի և Սպիտակ տան ղեկավար Դոնալդ Թրամփի դեմ՝ պատճառաբանելով, որ նրա նշանակումը Կառավարության արդյունավետության դեպարտամենտի (DOGE) տնօրենի պաշտոնում «հակասահմանադրական է»։
Իլոն Մասկի ազդեցությունը պետական կառույցների վրա շարունակում է քննարկման առարկա լինել ԱՄՆ-ում։
Ամերիկյան The Hill թերթի փոխանցմամբ՝ Նյու Մեքսիկո, Արիզոնա, Միչիգան, Կալիֆորնիա, Քոննեքթիքութ, Հավայան, Մերիլենդ, Մասաչուսեթս, Մինեսոտա, Նևադա, Օրեգոն, Ռոդ Այլենդ, Վերմոնտ և Վաշինգտոն նահանգները հայտարարել են Թրամփի, Մասկի և DOGE-ի դեմ դատական հայցեր ներկայացնելու մասին։
Խնդրագրում ասվում է, որ Մասկի նշանակումը DOGE-ի տնօրենի պաշտոնում «հակասահմանադրական է» և նրան տրված լիազորությունները անվանում են «անսահմանափակ և չստուգված իշխանություն»:
«Նախագահ Թրամփը թերագնահատում է այն պոտենցիալ ռիսկը, որ ներկա իրավիճակը ներկայացնում է ազգի համար։ Թրամփը պարոն Մասկին տվել է գործնականում անսահմանափակ լիազորություններ՝ առանց Կոնգրեսի համապատասխան թույլտվության կամ նրա գործունեության ողջամիտ վերահսկողության»,- ասվում է փաստաթղթում։
Միևնույն ժամանակ, Մասկը պատասխանել է վերջին հայցերին, որոնք ներկայացվել են Թրամփի գործադիր հրամանների դեմ X սոցիալական մեդիայի կայքում:
«Եթե որևէ դատավոր ինչ-որ տեղ կարող է հանգիստ կասեցնել նախագահի ցանկացած գործողություն, դա նշանակում է, որ մենք ժողովրդավարական պետությունում չենք ապրում»,- գրել է միլիարդատերը։
DOGE-ը՝ միլիարդատեր գործարար Մասկի գլխավորությամբ, ստեղծվել է նախագահ Դոնալդ Թրամփի կողմից՝ «կանխելու դաշնային միջոցների վատնումը»։
Բաց մի թողեք
Պատերազմն Ուկրաինային արժեցել է 320 միլիարդ դոլար․ Զելենսկին նաև անդրադարձել է իր վարկանիշին
Ինչ է խոստացել Ռուբիոն Եվրոպային Ռուսաստանի դեմ պատժամիջոցների հարցով
ԱՄՆ դիրքորոշումը համընկնում է Ռուսաստանի «մեծ ցանկության» հետ. Զելենսկի. ԱՄՆ-ը դադարեցրել է Ուկրաինայից միգրանտների ներգաղթի դիմումների քննարկումը