Ուկրաինայում խաղաղությունը պետք է հաշվի առնի եվրոպացիների շահերը, հայտարարել է Ֆրանսիայի նախագահ Էմանուել Մակրոնը սոցցանցերում՝ Փարիզում Ուկրաինայի հարցով ԵՄ և Կանադայի մի քանի առաջնորդների երկրորդ արտակարգ գագաթնաժողովից հետո։
«Ֆրանսիայի և նրա գործընկերների դիրքորոշումը հստակ և միասնական է: Մենք ցանկանում ենք, որ Ուկրաինայում խաղաղություն լինի հարատև և երկարատև: Մենք աջակցում ենք Ուկրաինային և կստանձնենք Եվրոպայում խաղաղությունը և անվտանգությունը ապահովելու բոլոր պարտավորությունները: Սա Ֆրանսիայի հիմնարար շահն է, և ես դրա երաշխավորն եմ»,- գրել է նա:
Նրա խոսքով՝ եվրոպացի առաջնորդները կիսում են ԱՄՆ նախագահ Դոնալդ Թրամփի նպատակը՝ «վերջ դնել» հակամարտությանը։ Նա մատնանշել է մի շարք սկզբունքներ, որոնց Եվրոպան մտադիր է հավատարիմ մնալ։
«Ուկրաինան միշտ պետք է դաշնակից մնա, և նրա իրավունքները պետք է հարգվեն: Խաղաղությունը պետք է լինի կայուն և ուղեկցվի հուսալի և վստահելի երաշխիքներով: Պետք է հաշվի առնել եվրոպացիների անվտանգության շահերը»,- ասել է նա:
Նա նշել է, որ ԵՄ-ն «համոզված է Եվրոպայի և մեր յուրաքանչյուր երկրի պաշտպանության և անվտանգության ծախսերն ավելացնելու անհրաժեշտության մեջ», և հավելել, որ համապատասխան «որոշումները կընդունվեն առաջիկա օրերին և շաբաթներին»։
Չորեքշաբթի հանդիպմանը մասնակցել են Իսլանդիան, Նորվեգիան, Բալթյան երկրները (Լիտվա, Էստոնիա և Լատվիա), Չեխիան, Հունաստանը, Ֆինլանդիան, Ռումինիան, Շվեդիան և Բելգիան, ինչպես նաև Կանադան։ Նրանցից շատերի ներկայացուցիչները բանակցություններին միացել են տեսակոնֆերանսի միջոցով։
Բաց մի թողեք
ԱՄՆ կոնգրեսականները տրամադրված չեն Ուկրաինային նոր օգնություն տրամադրել. Ջոնսոն
Արմեն Սարգսյանի սպանության գործով Մոսկվայում ձերբակալվել են պարողներ. 2-ն էլ՝ ՀՀ քաղաքացի
Ոմանք վախենում են Իսրայելից, որովհետև նրանց աջակցում է Ամերիկան, բայց Իրանը չի վախենում