Երեկ Կարեն Դեմիրճյանի անվան մարզահամերգային համալիրում տեղի է ունեցել երգչուհի Տաթև Ասատրյանի համերգը։ Համերգի ժամանակ երգչուհին պատմել է իր կյանքից հետաքրքիր և հուզիչ դրվագներ։
Երգչուհին պատմել է, որ փոքր ժամանակ կյանքը դժվար է եղել, քանի որ տատիկի մահվանից հետո միակ խնամակալը մայրն է եղել, ով վատառողջ է եղել և ի վիճակի չի եղել աշխատելու։
Տաթևի խոսքով՝ իրենց տան ապրուստի միակ միջոցը իր երգելն էր, երբ նա դեռ ընդամենը 8 տարեկան էր։
«Անգամ գրավում էի դեղատան աշխատողների սրտերը, ովքեր էլ երբեմն անվճար տալիս էին մորս դեղերը։ Հիշում եմ իմ հաղթած առաջին մանկական երաժշտական մրցույթը, որից ստացած դրամական պարգևով էլ գնեցինք մեր տան փայտի վառարանը։ Այդ տարիներին կային մարդիկ, որոնք ինձ շատ են օգնել»,- համերգի ժամանակ պատմել է երգչուհին։
Երգչուհին անակնկալ է մատուցել իր համար հարազատ մարդու՝ Մարիամին, իր կողքի հարևանուհուն, ով աշխատում է հացի փռում։ Երգչուհին հարևանուհուն հացի փուռ է նվիրել՝ այդ քայլով հայտնելով իր երախտագիտությունը։
Բաց մի թողեք
Կյանքից հեռացել է Հայաստանի նկարիչների միության անդամ Ռաֆո Սարգսյանը. Լուսանկար
Լուիզա Ներսիսյանը խոսել է ամուսնու՝ Հրանտ Թոխատյանի առողջական վիճակի մասին
«Վազգեն. վերջին Սպարապետը» ֆիլմի պրեմիերան և հյուրերը․ Լուսանկարներ․ Տեսանյութ