Կարմիր խաչի միջազգային կոմիտեի հայաստանյան գրասենյակի հաղորդակցության ծրագրերի պատասխանատու Զառա Ամատունին անդրադարձել է Բաքվի այն պնդումներին, թե իբր հայկական կողմը չի արձագանքում Ստեփանակերտում հիվանդությունից մահացած հայ կնոջ՝ Վերա Աղասյանի դին տեղափոխելու հարցին։
«Կարող եմ փաստել, որ այս հարցի վերաբերյալ մեր դիրքորոշումը հայտնել ենք, այն է՝ լինելով թե՛ ընտանիքի հետ կապի մեջ, թե՛ կողմերին հայտնելով մեր պատրաստակամությունը այդ գործընթացում աջակցության, պատրաստակամ ենք դա անել, երբ կողմերը գան համաձայնության, և այդ համաձայնությունը որոշակի գործողությունների կբերի։ Այդ պարագայում մենք պատրաստ ենք կատարել մեր միջնորդի դերը։ Մինչ այս պահը որևէ այլ մեկնաբանություն անել մենք չենք կարող»,- ասել է Ամատունին:
«Հայկական պատվիրակությունը չի արձագանքում ծագումով հայ կնոջ՝ Վերա Աղասյանի դին հանձնելու հարցին»,- այս մասին հայտնել է ադրբեջանական ԱՊԱ գործակալությունը՝ հղում կատարելով Ադրբեջանի Պետական անվտանգության ծառայության ղեկավարի տեղակալ, գեներալ-լեյտենանտ Շարաֆաթ Հասանովին՝ Ադրբեջանում անհայտ կորածների որոնումների վերաբերյալ Անհայտ կորածների միջազգային հանձնաժողովի գնահատման զեկույցի ներկայացման ժամանակ։
Վերա Աղասյանը հակառակ զավակների բազմաթիվ հորդորներին, 2023 թվականի իրադարձություններից հետո իր կամքով մնացել է Ստեփանակերտում։ Արցախում են մնացել նաև Վերայի ազգակցական 2 բարեկամները։ 70-ամյա կինը եղել է նաև այդ տղամարդկանց հոգածության ներքո։ Ընտանիքի բարեկամը՝ MediaHub-ին ասաց, որ զավակները մոր դիակը տեղափոխելու համար բազմիցս դիմել են թե՛ կառավարությանը և թե՛ հայկական Կարմիր խաչին։
«Զավակներին հավաստիացրել են, որ քայլեր կատարում ենք, պետք է համբերատարությամբ սպասեք։ Արդեն, 5 ամիս է, սպասում ենք։ Բայց այսօր պարզվեց, որ Հայաստանի կառավարությունը չի էլ դիմել»,- ասաց բարեկամուհին։
Նրա խոսքով՝ Վերայի զավակները հոգեպես վատ վիճակում են ու այլևս չեն հավատում ՀՀ կառավարության որևէ խոստման։
«Հավաստիացրել են, որ ամեն ինչ անում են, մերոնք էլ հավատացել են, որ գործ ունեն թշնամու հետ, դրա համար համբերատարությամբ սպասել են։ Հիմա չեն ցանկանում խոսել ոչ մեկի հետ, կամ շփվել լրատվական դաշտի ներկայացուցիչների հետ»։
Հիշեցնենք, որ նախորդ տարվա հոկտեմբերի 20-ին ադրբեջանական ԶԼՄ-ները հայտնեցին, որ օկուպացված Ստեփանակերտում հիվանդությունից մահացել է 1954 թվականին ծնված Վերա Վարաշակի Աղասյանը։
Բաքուն հայտնում է, որ զավակները ԿԽՄԿ-ի միջոցով տեղեկացվել են նրա մահվան ու հուղարկավորության մասին։ Կազմվել են դիակի տեղափոխման բոլոր անհրաժեշտ փաստաթղթերը, և նույնիսկ այս տարվա փետրվարին հարցը ներկայացվել է հայկական կողմի ուշադրությանը, սակայն, մինչ օրս՝ գործնական ոչ մի քայլ չի կատարվել։
Բաց մի թողեք
Հրանտ-Լեոն Ռանոսը հեռացվել է Հայաստանի հավաքականից. ինչու է Ջոն վան՛տ Սխիպը նման որոշում կայացրել. Լուսանկար
Ավտովթարներ ճանապարհներին, վիրավnրներ կան. Լուսանկարներ
Ուժգին երկրաշարժ է գրանցվել Հայաստանում