«Խաղաղության համաձայնագիր» կոչված փաստաթղթի՝ ստորագրման պատրաստ լինելու մասին հայտարարությունները, որքան էլ տարօրինակ է, բայց շատ ՔՊ-ականների մոտ խուճապային տրամադրություններ են ստեղծել:
«Իրավունք» թերթը գրում է. Ինչպես հայտնում է տեղեկացված աղբյուրը, նրանց մոտ այն տպավորությունն է, որ Նիկոլ Փաշինյանը պատրաստվում է արագ-արագ ստորագրել բոլոր թղթերն ու հարմար պահի՝ «հայդե Փարիզ» անել՝ ներկա գլոբալ փոփոխությունների անիվի տակ չմնալու համար:
Նրանց մոտ նաեւ այն կարծիքն է, որ Ալիեւը եւս հասկանում է, որ շատ բան կարող է փոխվել, եւ այս պահին գերադասում է ստանալ այն, ինչը հնարավոր է, ինչքան էլ, որ համաձայնագրի ստորագրումը դեռ կապում է Հայաստանի Սահմանադրության փոփոխության հետ:
Արդյունքում, ըստ աղբյուրի, ՔՊ-ական այդ՝ միջինից բարձր շրջանակներում վախեցած են, որ Նիկոլի հեռանալու դեպքում ողջ «կուժն ու կուլան հենց իրենց գլխին է ջարդվելու»:
Ավելին՝ օրաթերթի այսօրվա համարում։
Բաց մի թողեք
Նպատակը չափազանց ցածր վարկանիշի պարագայում գոնե ինչ-որ «ընդունելի» արդյունքի հասնելն է
Հրահանգվել է չփչացնել խաղաղության հեքիաթը
Ովքեր են պայքարում պետական ապահովագրական հիմնադրամի տնօրենի պաշտոնի համար