Երեկվանից հայ հանրությունը կրկին երկու հակադիր ճամբարների է բաժանվել` մի ճամբարը ցնծում է Փարաքարի փայլուն հաղթանակի եւ Գյումրիի` ընդդիմության համար բավականին շահեկան արդյունքների համար, մյուս ճամբարում սուգ է:
Հրապարակ թերթ գրել է․ Երկրորդ ճամբարն էլ երկու տարբեր միավորներից է բաղկացած` իշխող կուսակցություն` իր սատելիտներով, հարակից կառույցներով, ազգուտակերով եւ արեւմտամետների ճամբար, որը նույնպես ՔՊ-քույր կառույցն է, բայց որոշակիորեն տարանջատված է:
Եթե ՔՊ-ի համար սա ճակատագրական պարտություն է, որը խոսում է նրա ցածր վարկանիշի մասին եւ հող է պատրաստում 2026-ին պարտվելու համար, ապա արեւմտամետները լիակատար շոկի մեջ են: Նրանց թվում էր, թե ամեն ինչ արել են հաղթելու համար: Եւ գոնե Երեւանի արդյունքների կրկնությունն են ունենալու` երբ «Հանրապետություն» կուսակցությունը 11 տոկոս ձայն տարավ եւ կոալիցիա կազմելով դարձավ Երեւանի իշխանությունում փայատեր` օգնելով, որ ՔՊ-ն իշխանություն ձեւավորի: Այս անգամ, թվում է` արդյունքն ավելի լավ պետք է լիներ: Ինչո՞ւ:
Նախ, որովհետեւ Երեւանում «Հանրապետությունը» մենակ էր մասնակցում, իսկ Գյումրիում մի ամբողջ Եւրադաշինքով եւ եւրոպամետների կարկառուն խումբը օրեր շարունակ Գյումրիում քարոզչություն էր անում, շատ ակտիվ էր եւ հույս ունեին, որ ավագանու կազմում են հայտնվելու:
Երկրորդը` ընդամենը օրեր առաջ էին Եւրաքվեի նախագիծը խորհրդարանում անցկացրել, դրանից առաջ 60 հազար ստորագրություն էին հավաքել եւ վստահ էին, որ «դեպի Եւրոպա» ուղղությունը հայ հասարակությունը ողջունում է եւ իրենց էլ համարում է այդ ուղղության ջատագովներն ու սիմվոլները, ուստի անպայման ձայն կտա:
Վստահ էին նաեւ, որ Գյումրիի ռազմաբազան, տարիներ առաջ ռուս զինվորի կողմից մորթված հայ ընտանիքի պատմությունը, այս օրերին ռուսների ակնհայտ աջակցությունը ռուսամետ «Մայր Հայաստանին» հակազդեցություն կառաջացնեն եւ իրենք դրանից կշահեն: Որոշակի դեր կխաղա նաեւ իրենց թեկնածուի` Լեւոն Բարսեղյանի գործոնը, ով տասնամյակներ շարունակ գրանտներ է ստացել, Գյումրիում գործունեություն է ծավալել եւ անհավանական է, որ այդ գրանտներից սնված մի խավ ձեւավորված չլինի Գյումրիում:
Թերեւս նաեւ ինչ որ հույսեր ունեին, որ համացանցը, արեւմտյան հարթակները, քարոզչական հնարքներն իրենց դերը կխաղան եւ 6 տոկոսի շեմը Դաշինքը կհաղթահարի, սակայն հաշվարկները չարդարացան:
Եւ արեւմտամետների «տանը» հիմա սգո տրամադրություններ են: Բացի ողբ-կականից, նաեւ քլնգում են իշխանություններին, որի «քաղաքականության արդյունքում» են նորից ասպարեզ ելել «Վարդանիկ-Մարտունիկները»` որպես քրեաօլիգարխիայի ներկայացուցիչներ, որը արմատախիլ չի արել նախկիններին եւ դաշտը չի մաքրել իրենց` եւրոպական գաղափարներ տարածող «առաջադեմների» համար: Հայհոյում են գյումրեցի ընտրողին, ասում են` «նմանն զնմնանին» ընտրեց, որ դուք հենց դրանց եք արժանի եւ այլն, եւ այլն:
Մի խոսքով, «մանթրաժ» վիճակ է հիմա հայաստանյան տարբեր կաբինետներում: Այ, եթե իրենք ընտրված լինեին, կփառաբանեին ընտրողին` գյումրեցին ու փարաքարցին կդառնար իրենց աչքի լույսը: Իսկ այսպես` ընտրողը վատն է, անկիրթ է, հետամնաց է, կոռուպցիան ու մաֆիային է ընտրում, չի թողնում, որ իրենք` համատեղ ջանքերով թուրք-ադրբեջանա-հայկական «ժամանակակից» պետություն կառուցեն:
Բաց մի թողեք
Վահե Գուլանյանն անհետացել է, մանրամասներ քրգործից․ Լուսանկար
Ինքնաթիռների ուղևորների՝ ելքի համար սահմանված պետտուրքի չվճարման արտոնությունը կերկարաձգվի
ԱՄՆ դոլարի նկատմամբ հայկական դրամի հաշվարկային փոխարժեքը նվազել է