ԱՄՆ-ն առաջիկա օրերին որոշում կունենա Ուկրաինայում հրադադարի հնարավորության մասին. Ռուբիո

Մի քանի օրվա ընթացքում ԱՄՆ-ն կորոշի, թե արդյոք հնարավո՞ր է զինադադար Ուկրաինայում։

Այս մասին լրագրողներին ասել է ԱՄՆ պետքարտուղար Մարկ Ռուբիոն։

«Եթե մոտ օրերի ընթացքում Ուկրաինայում պատերազմին վերջ տալու մեր ջանքերը ձախողվեն, մենք նախագահ Թրամփին կտեղեկացնենք, որ բանակցություններն այլևս տարբերակ չեն»,- ասել է Ռուբիոն։

Պետքարտուղարը նաև հավելել է, որ Միացյալ Նահանգները պատրաստ է օգնել լուծելու ուկրաինական հակամարտությունը, եթե երկու կողմն էլ լրջորեն վերաբերեն խաղաղությանը. «Հակառակ դեպքում Միացյալ Նահանգները կկենտրոնանա այլ առաջնահերթությունների վրա»։

Նրա խոսքով՝ ԱՄՆ-ն դեռ պատրաստ չէ բացահայտ քննարկելու Ուկրաինայի անվտանգության երաշխիքների հարցը։

Ռուբիոն հավելել է, որ «ԵՄ երկրները պետք է ներգրավվեն Ուկրաինայի կարգավորման գործընթացում, որպեսզի եվրոպական պատժամիջոցների վերացումը դառնա համաձայնագրի մաս»։