Գյումրիում կրած պարտությունից հետո ՔՊ-ն անթիվ-անհամար քննարկումներ է արել, վերլուծել պարտության պատճառները։ Նախօրեին նախաձեռնող խմբի նիստում են քննարկել եւ գտել, որ պատճառն ընտրողների ակտիվ մասնակցությունն էր` ընդհանուր թվում իրենց ձայները փոքր տոկոս են կազմել:
Հրապարակ թերթը գրել է․ Նախորդ՝ 2021-ի ընտրություններին ՔՊ-ն մոտ 8 հազար ձայն էր հավաքել, հիմա՝ մոտ 17 հազար։ Ու թեպետ ասում են, թե իրենց վարկանիշն աճել է՝ մոտ 10 հազար ավել են ստացել, սակայն փակ քննարկման ժամանակ անկեղծացել են, որ վարկանիշ չկա, ավել ձայները ոչ թե ՔՊ-ինն է, այլ՝ Սարիկինը։
Որոշում է կայացվել, որ պետք է մասնակցեն ավագանու հաջորդ նիստերին, չնայած առաջին նիստը բոյկոտել են եւ կբոյկոտեն նաեւ այսօրվա՝ Վարդան Ղուկասյանի ինաուգուրացիայի նիստը։ Ի դեպ, մեկ տարի՝ մինչեւ 2026-ի ապրիլի կեսերը, ավագանին չի կարող քաղաքապետին անվստահություն հայտնել․ օրենքն է արգելում: ՔՊ-ում հույս ունեն, որ Մարտուն Գրիգորյանի թիմն այսուհետ ձեռքերը կլվանա, եւ ավագանու գործունեությունը կտապալվի` կգնան արտահերթ ընտրությունների: Իսկ եթե ոչ` շարքերին հասկացրել են, որ Վարդան Ղուկասյանի հարցերն իրավական ճանապարհով կլուծեն։
Բաց մի թողեք
71 քաղաքացի վճարել է 15 մլն դրամ՝ պարտադիր զինվորական ծառայություն չանցնելու համար. թվեր
Ցմահ դատապարտյալների դաժան ծեծից 1,5 ամիս անց Սրբուհի Գալյանը այցելել է «Նուբարաշեն»
Սամվել Բաբայանն ու Ժիրայր Սեֆիլյանը կառերեսվեն. հոկտեմբերի 27-ի գործի հետքերով