11/07/2025

Շինարարները իմ անունը տալով սաստել են քաղաքացիներին. Սիմոնյանը Բաղրամյան 26 այցից հետո տեսանյութ է հրապարակել

ՀՀ Ազգային ժողովի նախագահ Ալեն Սիմոնյանը Բաղրամյան 26 հասցեի այցելությունից ֆեյսբուքյան իր էջում հրապարակված երկրորդ տեսանյութով մանրամասներ է հայտնել։

Նա նկատել է․ «Եկա այստեղ, զրուցեցի բնակիչների հետ, հաստատվեց այն ինչ-որ ես մտածում էի։ Այսինքն՝ շինարարները, որոնք աշխատանքներ են իրականացրել, երբ որ քաղաքացիները բողոքել են, փորձել են քաղաքացիներին սաստել իմ անունը տալով։

Այն շինարարական կազմակերպությունը, իրական սեփականատերը, որը Բաղրամյան 26-ի շրջակայքում շենքի սեփականատերն է, խնդրում եմ կապվել իմ գրասենյակի հետ։

Ես վաղը առավոտյան կկապվեմ նաև քաղաքապետերանի հետ, և կփորձեմ հասկանալ, թե ով է իրական սեփականատերը, որ շինարարները իմ անունն են տվել»։