Քրիստոնյա Հայաստանում իշխանության եկած նեոբոլշևիկներն ու գլոբալիստները համառորեն շարունակվում են իրենց պայքարը մեր Սուրբ Եկեղեցու դեմ։
Դրսում թշնամու առաջ խոնարհվում և ձեռք են սեղմում, իսկ մեր հայրենիքում, եկեղեցու վրա` մատ են թափ տալիս։
Այն եկեղեցիները և սրբավայրերը, որոնք այսօր պետության հաշվեկշռի վրա են, դրանք վարչապետի ասած «չուլան», հենց ինքն ու իր կառավարությունն են դարձրել, ինչպես բոլշևիկյան անաստվածության տարիներին պահեստների էին վերածվել։ Ինչպե՞ս կարելի է նման գռեհիկ ձևով արտահայտվել և վիրավորել մի ողջ ժողովրդի կրոնական զգացումներ։ Չէ՞ որ , այդ Սուրբ վանքերն ու եկեղեցիները թշնամիներից պահպանելու համար, մեր ժողովրդի շատ զավակներ իրենց կյանք են տվել։
Օրվա իշխանությունների պարտավորությունն է վերականգնել և բարեզարդել կիսավեր վանքերն ու սրբավայրերը։ Փոխանակ ամաչելու ` հպարտորեն բարձրաձայնում են։ Իսկ այն եկեղեցիները և վանքերը, որոնք եկեղեցուն են պատկանում ` ամեն մեկն իր գեղեցկությամբ մի դրախտավայր է։
«Ստախոս շուրթերը պիղծ են Տիրոջ առաջ։ Ստի հայրը` սատանան է», – ասում է Սուրբ Գիրքը։
Մինչև կոկորդները մեղքերի մեջ թաղված, հիմա էլ մեղավորներ են փնտրում հոգևորականների մեջ։
Վա՜յ, այն երկրին ու ժողովրդին, ում առաջնորդը փոքրհոգի է։
«Չար ծնունդն իր աչքին արդար է երևում։ Անզգամություն ցանողը չարիք է հնձելու»։(Աստվածաշունչ)
Հայոց Եկեղեցին ժայռ է. ով փորձի նրան հարվածել` փշրվելու է։
Աստված պահապան մեր Հայրենիքին, Եկեղեցուն և ազգին։
Տեր Մաղաքիա քահանա Օհանյան
Բաց մի թողեք
«Խաղաղության բերկրանքը վայելելու» ամենաօրինակելի վայրը մի քանի տասնյակ մետրանոց ինչ-որ պատ է. Վարդան Ոսկանյան. Լուսանկար
Բոլոր դերակատարները պե՛տք է պատիժ կրեն, խիստ և սթափեցնող. Թագուհի Թովմասյան
Հրապարակեք խաղաղության պլանը, ստախոսներ, հրապարակե՛ք․ Լևոն Զուրաբյան