«Ինտերի» կիսապաշտպան Հենրիխ Մխիթարյանը և միլանյան ակումբի այլ վետերաններ, ամենայն հավանականությամբ, կլքեն թիմը, գրում է Gazzetta dello Sport-ը՝ մեկնաբանելով երեկ կայացած Չեմպիոնների լիգայի եզրափակչ՝ «Ինտեր» – ՊՍԺ (0:5) հանդիպումը:
Այս խաղում հատկապես աչքի էր ընկնում խաղացողների տարիքային տարբերությունը. Միլանի թիմի մեկնարկային կազմը հինգ ու կես տարով մեծ էր փարիզեցիներից (30 ընդդեմ 25-ի):
Ամենայն հավանականությամբ, ակումբի սեփականատերերը կսկսեն քննարկել կազմը երիտասարդացնելու հարցը:
Հոդվածում նշվում է, որ Աչերբին, Զոմերը, Մխիթարյանը, Դարմիանը ամենայն հավանականությամբ, կհեռանան թիմից:
Թե՛ Gazzetta-ն, թե՛ այլ հրատարակություններ նշում են «Ինտերի» վետերանների մեծ ներդրումը Չեմպիոնների լիգայի եզրափակիչ հասնելու գործում:
Մասնավորապես, Daily Mail-ը նշում է, որ Մխիթարյանը Չեմպիոնների լիգայում թիմի կազմում գոլային պահերի քանակով երրորդն էր։
Բաց մի թողեք
«Իմ ցուցմունքը Աստծո առաջ է»․ Գերմանալեզու domradio.de-ի անդրադարձը
Մեքենան դուրս է եկել Երևան-Երասխ ավտոճանապարհի երթևեկելի գոտուց և հայտնվել դաշտում. կա զոհ․ Լուսանկար
Հունիսի 7-ին կայանալիք ԱԺ ընտրություններին ընտրական իրավունք ունի 2 միլիոն 489 հազար 31 քաղաքացի. ԿԸՀ