Կոտայքի մարզի Քասախ համայնքում այսօր առավոտյան բնակիչները հավաքվել են գյուղի կենտրոնում՝ բողոքի ակցիա անցկացնելու նպատակով։ Նրանց գլխավոր պահանջն է՝ վերականգնել թիվ 59 ավտոբուսի նախկին երթուղին, որը նախկինում մուտք էր գործում գյուղ։
Բնակիչների խոսքով՝ սկսած հունիսի 1-ից, նշված երթուղու ավտոբուսը այլևս չի մտնում Քասախ, ինչի հետևանքով գյուղի մի քանի հազար բնակիչներ ստիպված են լինում երկար ճանապարհ անցնել ոտքով՝ դուրս գալով մայրուղի, որտեղ հնարավոր է տրանսպորտի կանգառում կանգ առնել։
Մինչ այս փոփոխությունը, Քասախի և հարակից Պռոշյան համայնքի բնակիչները օգտվում էին Երևան տանող թիվ 25 և 59 ավտոբուսներից՝ վճարելով ընդամենը 150 դրամ։ Սակայն վերջին որոշմամբ՝ Երևանի քաղաքապետարանը սահմանել է, որ այս երթուղիները չեն գործելու այդ համայնքներում։
Բաց մի թողեք
Իսպանիայի ներգաղթային պաշտոնյաները չեղարկել են գործադուլը ․․․
Իսպանիան ավարտում է մինչև 500,000 ներգաղթյալների օրինական կարգավիճակ տրամադրելու համաներման միջոցառումները
Վերջին 48 ժամվա ընթացքում Կրետեի մոտ փրկվել է ավելի քան 300 միգրանտ. Լուսանկարներ