«Քանի դեռ չկա խաղաղության պայմանագիր, էսկալացիայի վտանգ անընդհատ էլ կա»

Այս մասին ԱԺ-ում հայտարարել է ՀՀ ԱԳ նախարար Արարատ Միրզոյանը. «Քանի դեռ վերջնական չենք հանգել խաղաղության, վերջնական ձեռք ձեռքի չենք սեղմել, էսկալացիայի վտանգը կա»։

Ըստ նախարարի՝ էսկալացիան կարող է լինել «ստից»՝ տեխնիկական․ ինչ-որ կայծից հրդեհ բռնկվի, կարող է լինել նաև պլան։

Միրզոյանը դժվարացել է նշել, թե ինչու է Ադրբեջանը պարբերաբար կրակում Սյունիքի ուղղությամբ. «Չեմ կարող ասել, բայց Հայաստանի դիրքորոշումը մեկն է՝ ստեղծել միասնական համատեղ հետաքննող մեխանիզմ, որտեղ կարելի է պարզել՝ զինվորները հրամա՞ն են կատարում, թե՞ ինչ-որ վիճակի մեջ լինելով՝ ինքնուրույն գործողություն են արել մեկը կամ խմբով»։