Իսրայելի վարչապետ Բենիամին Նեթանյահուն հայտարարել է Իրանում ռազմական գործողության մեկնարկի մասին։
«Իսրայելը սկսել է «Աճող առյուծ» գործողությունը՝ նպատակային ռազմական արշավ՝ մեր պետության գոյության համար իրանական սպառնալիքը վերացնելու համար։ Այս գործողությունը կշարունակվի այնքան ժամանակ, որքան անհրաժեշտ կլինի այս վտանգը լիովին վերացնելու համար։ Տասնամյակներ շարունակ Թեհրանի բռնակալները բացահայտորեն և անամոթաբար կոչ են արել ոչնչացնել Իսրայելը։
Նրանք իրենց ցեղասպանական կոչերը հիմնավորել են միջուկային զենքի ծրագրով։ Վերջին տարիներին Իրանը բավականաչափ հարստացված ուրան է արտադրել ինը ատոմային ռումբ ստեղծելու համար։
Վերջին ամիսներին Իրանը քայլեր է ձեռնարկել, որոնք երբեք չի համարձակվել ձեռնարկել. քայլեր՝ այս ուրանը լիարժեք միջուկային զենքի վերածելու համար։ Եթե այն հիմա չկանգնեցվի, այն կկարողանա ռումբ ստեղծել շատ արագ՝ գուցե մեկ տարվա ընթացքում, գուցե մի քանի ամսվա ընթացքում», – ասել է Նեթանյահուն։
Բաց մի թողեք
Թրամփի ընտրվելուց հետո ավելի շատ ամերիկացիներ են հրաժարվում ԱՄՆ քաղաքացիությունից
Բորենիներն ախպերացան նորից. Ռուսաստանը զենքի նոր քանակ է ուղարկում Ադրբեջան
Եկեղեցուց առգրավված մի քանի թղթադրամները լուսանկարել, տարածում են․ Ամոթ