Իրանի դեմ Իսրայելի «ագրեսիայի» համար պատասխանատու է Միացյալ Նահանգները, հայտարարել է Իսլամական Հանրապետության նախագահ Մասուդ Փեզեշքիանը։
«Ամերիկան, ի հեճուկս միջազգային իրավունքի բոլոր նորմերի, թույլ է տալիս Իսրայելին ագրեսիա իրականացնել և հարձակվել մեր երկրի վրա»,- ասել է Փեզեշքիանը՝ ելույթ ունենալով խորհրդարանում։
Իրանի ժողովուրդը պետք է մի կողմ դնի իր տարաձայնությունները և միասնական ճակատով հանդես գա ընդդեմ իսրայելական ագրեսիայի, կոչ է արել Իսլամական Հանրապետության նախագահը։
«Մենք չենք ձգտել պատերազմի և չենք սկսել պատերազմը։ Դա մենք չենք, որ սպանել ենք երկրի բարձրաստիճան զինվորականներին և գիտնականներին, այլ այդ ահաբեկիչներն արել են դա,- ասել է Փեզեշքիանը։- Մենք ագրեսորներ չենք։ Այսօր մենք, ավելի քան երբևէ, միասնության և համերաշխության կարիք ունենք, և ամբողջ իրանական ազգը պետք է միավորվի և վճռականորեն հանդես գա ընդդեմ ագրեսիայի»։
Բաց մի թողեք
Իրանի արտաքին գործերի նախարարը «հնարավորությունների պատուհան» է տեսնում ԱՄՆ-ի հետ նոր միջուկային բանակցություններից հետո
Լավ լուր Իրանից ու ԱՄՆ-ից՝ համաձայնության եկան
Եվրահանձնաժողովը մտադիր է հաստատել հակառուսական պատժամիջոցների նոր փաթեթ