Ռուսաստանը չի կարող միջնորդ լինել Իսրայելի և Իրանի միջև հակամարտության մեջ, հայտարարել է Ֆրանսիայի նախագահ Էմանուել Մակրոնը Գրենլանդիա կատարած իր այցի ժամանակ, հաղորդում է Reuters-ը։
«Ես չեմ հավատում, որ Ռուսաստանը, որը ներկայումս ներգրավված է բարձր ինտենսիվության հակամարտության մեջ և արդեն մի քանի տարի է՝ որոշում է չհետևել ՄԱԿ-ի կանոնադրությունը, կարող է միջնորդ լինել»,- ասել է Մակրոնը՝ մեկնաբանելով ԱՄՆ նախագահ Դոնալդ Թրամփի այն միտքը, որ Ռուսաստանի առաջնորդ Վլադիմիր Պուտինը կարող է միջնորդ դառնալ Իսրայելի և Իրանի միջև։
Մակրոնը նաև հայտնել է, որ Փարիզը չի օգնել Իսրայելին որևէ «պաշտպանական գործողությունում», քանի որ «համապատասխան հայցեր» չեն եղել: Նա նախկինում խոստացել էր, որ եթե Իսրայելը դիմի, Ֆրանսիան կտրամադրի պաշտպանական աջակցություն:
Հիշեցնենք, որ հունիսի 14-ին Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը հեռախոսազրույց են ունեցել և քննարկել են Մերձավոր Արևելքում ստեղծված իրավիճակը։ Դրանից հետո Թրամփը հայտնել է Պուտինի հայտարարած պատրաստակամության մասին՝ միջնորդ դառնալու Իրանի և Իսրայելի միջև հակամարտության կարգավորման գործում։ Թրամփը նշել է, որ «բաց է» Մոսկվայի կողմից միջնորդության համար։
Բաց մի թողեք
Լիբանանի բնակիչները խնջույք են անում, զվարճանում Իսրայելի ուղղությամբ թռչող իրանական հրթիռների ֆոնին․ Տեսանյութ
Իսրայելի ՊԲ-ն հաստատել է ԻՀՊԿ հետախուզության ղեկավարի և այլոց uպանությունը, Կնեսեթի նիստը տեղափոխվել է նկուղ
«Քաղաքացիների զանգվածային արտագաղթ Թեհրանից: Մարդիկ հավաքում են իրենց ճամպրուկները և խուճապահար փախչում»