Բաքվի ռազմական դատարանում Արցախի ռազմաքաղաքական նախկին ղեկավարների դեմ շինծու գործով դատական հերթական նիստի ժամանակ նախկին նախագահ Արայիկ Հարությունյանը պատասխանել է մեղադրողի հարցերին, որոնք վերաբերել են հանրապետության բանկային համակարգին:
Այս մասին հայտնել են ադրբեջանական ԶԼՄ-ները: Նրանց պնդմամբ, Հարությունյանը նշել է, որ «ինքը ժամանակին աշխատել է Արցախի ներքո գործող բանկերի մասնաճյուղերում, իսկ «Արցախբանկը» գրանցված է եղել ՀՀ Կենտրոնական բանկի կողմից»։
Ըստ հաղորդագրության, Արցախի նախկին նախագահը հայտարարել է նաև, որ ««Արցախբանկի» իրավաբանական հասցեն գտնվում էր Հայաստանի մայրաքաղաքում, սակայն գլխավոր մասնաճյուղը գործել է Ստեփանակերտում»:
Այն նաև մասնաճյուղեր ուներ Արցախի մյուս շրջաններում։
«Այս բանկը որևէ առավելություն կամ արտոնություն չուներ Հայաստանի մյուս բանկերի համեմատ», – իր խոսքում, իբր, նշել է Հարությունյանը։
Բացի այդ, Արցախում գործել են նաև այլ հայկական բանկերի մասնաճյուղեր, իր ցուցմունքում ասել է նա և, իբր, պնդել, թե մասնաճյուղերը վնասով են աշխատել։
Բաց մի թողեք
Կարմիր խաչը այլևս չի այցելի հայ ռազմագերիներին
Հալիձորի հանձնումը․ մեղքերի խոստովանությունը իսպառ բացակայում է մեր օրերում․ Աշոտ Ներսիսյան
Նոյեմբերյանի ոստիկանապետը Կողբում հարվածել է քաղաքացուն