«Հայաստան» խմբակցության պատգամավոր Գեղամ Մանուկյանը, ուղիղ եթերում հանդես գալով հայտարարությամբ, տեղեկացրեց, որ Բաշիջարյան փողոցում է գտնվում Դաշնակցության Հայաստանի գերագույն մարմնի անդամ, ազատամարտիկ Իգոր Սարգսյանի բնակարանը, որտեղ ԱԱԾ ծառայողները խուզարկություն են իրականացնում։
Նրա խոսքով՝ գործողություններին մասնակցում են նաև դիմակավորված անձինք, և որևէ մեկին թույլ չի տրվում մուտք գործել բնակարան։
Մանուկյանը նշեց, որ խուզարկությունը շարունակվում է արդեն երկար ժամանակ, և նմանատիպ գործողություններ իրականացվում են նաև այլ վայրերում՝ դաշնակցականների և «Սրբազան պայքարի» շարժման բազմաթիվ աջակիցների բնակարաններում։
Պատգամավորը անդրադարձավ նաև Քննչական կոմիտեի հրապարակումներին՝ դրանք անվանելով հեքիաթ, լավաշ և շեշտեց, որ այս ամենը իշխանությունների ճնշումների և վախերի արտահայտությունն է։ Նրա խոսքով՝ գործ ունեն նոր ճնշումների և հաշվեհարդարի հերթական ալիքի հետ։
Բաց մի թողեք
Ժամանակն է հրաժարվել պառակտիչ քայլերից և ուխտադրժությունից. Արագածոտնի թեմի առաջնորդի խոսքը կալանավայրից
Հերթական ձնագունդը դեռ չգլորած և չմեծացաց ևս փշրվել է․ Մարտիրոսյան
Բնակչության 0.2 տոկոսը կազմող քաղաքական այս հոսանքը փորձում է իրագործել դարակազմիկ ծրագրեր