Հուլիսի 1-ին Ադրբեջանի գլխավոր դատախազությունը հայտարարել է, որ մի քանի օր առաջ ՌԴ Եկատերինբուրգ քաղաքում էթնիկ հանցավոր խմբի անդամների ձերբակալության ժամանակ արձանագրված մահվան փաստերի կապակցությամբ քրեական գործ է հարուցվել: Հունիսի 30-ի ուշ երեկոյան Զիադին և Հուսեյն Սաֆարով եղբայրների մարմինները Եկատերինբուրգից տեղափոխվել են Բաքու:
Գիշերը Սաֆարով եղբայրների մարմինները ենթարկվել են կրկնակի դատաբժշկական փորձաքննության, որի արդյունքում հերքվել է ռուսական կողմի պաշտոնական եզրակացությունը, որ Սաֆարով եղբայրները «մահացել են հուզմունքի հետևանքով վրա հասած սրտի կանգից»:
Ադրբեջանական փորձագետներն, ինչպես դատախազության հաղորդագրությունն է պնդում, բացահայտել են, որ Սաֆարով եղբայրները մահացել են «հետտրավմատիկ շոկի պատճառով»: Ընդ որում, նրանցից մեկի մահը վրա է հասել ոստիկանության բաժանմունքում, մյուսինը՝ ԱԴԾ հատուկ նշանակության ջոկատի ծառայողական ավտոմեքենայում:
Քրեական գործը հարուցվել է այն հիմքով, որ Զիադին և Հուսեյն Սաֆարովները «հանդիսանում են Ադրբեջանի քաղաքացի և սահմանադրության համաձայն գտնվում էին ադրբեջանական պետության պաշտպանության ներքո»: Ըստ երևույթին, այդ հանգամանքով պայմանավորված էլ «սպանվածների» մարմինները փոխանցվել են Ադրբեջանին:
Ադրբեջանի դատախազության պաշտոնական հաղորդագրությունից չի հետևում, թե կոնկրետ ու՞մ դեմ եւ օրենսգրքի ո՞ր հոդվածներով է հարուցվել քրեական գործը, բայց պարզ է, որ ադրբեջանական կողմը մեղադրանք է առաջադրելու ՌԴ Քննչական կոմիտեի Սվերդլովսկի մարզային բաժանմունքի, ոստիկանության և ԱԴԾ տեղական կառույցի աշխատակիցներին:
Խնդիրն այն է, թե հարուցված գործով քրեա-դատավարական ի՞նչ գործողություններ կարող է իրականացնել Ադրբեջանի դատախազությունը: Նման դեպքերում պետություններն առաջնորդվում են միջազգային իրավունքի և միջպետական պայմանագրերի սկզբունքներով:
Հուլիսի 1-ին Մոսկվայում Ադրբեջանի դեսպանը երկրորդ անգամ հրավիրվել է ՌԴ ԱԳՆ: Կոնկրետ ի՞նչ բողոք և ի՞նչ ձևակերպումներով է նրան ներկայացվել՝ առայժմ հայտնի չէ:
Ադրբեջանի դատախազության կողմից հարուցված քրեական գործը վկայում է, որ երկու երկրների հարաբերություններում «փակ խողովակներով խնդիրներ կարգավորելու» պրակտիկան այս դեպքում չի գործել:
Իլհամ Ալիևն, իրոք, ակնհայտորեն գնում է Ռուսաստանի հետ «սկզբունքային երկխոսության հասունացման» ճանապարհով: Հարուցված քրեական գործով նախաքննություն և քննություն իրականացնելու համար ադրբեջանցի քննիչները պետք է Եկատերինբուրգում հարցաքննություն իրականացնելու թույլտվություն ստանան: Դա, գուցե, ռուսական կողմի համար այնքան էլ բարդ և ցավոտ չլինի:
Բայց մեղադրանք առաջադրելու դեպքում ո՞վ է արդարադատություն իրականացնելու: Ռուսաստանն իր հատուկ ծառայությունների ներկայացուցիչներին կարտահանձնի՞ Բաքվին: Վլադիմիր Պուտինը կհանդուրժի՞, որ Իլհամ Ալիևը «արդարադատության տրիումֆ» կազմակերպի: Սա չափազանց բարդ և բազմաշերտ սցենար է, որի աշխարհաքաղաքական ենթատեքստն ակնհայտորեն դիտարկվում է:
Բաց մի թողեք
Հով, քեզ քպ-ն էլ մարդու տեղ չի դնում, ինչի՞ ես քեզ էս աստիճան ստոր ներկայացնում. Լուսանկար
Ռուսաստանը ցանկացե՞լ, բայց չի՞ կարողացել այդ հարցում կոնենսուս ապահովել
Օվերչուկի այցը չեղարկեցին, հիմա էլ ադրբեջանցի պատգամավորներն են բոյկոտում Մոսկվա մեկնելը