Այսօր ԱԺ-ում ընդդիմադիր Արթուր Սարգսյանի եզրափակիչ ելույթից հետո, երբ պատգամավորը ուզում էր դուրս գալ ԱԺ նիստերի դահլիճից, ՔՊ-ական Վահե Ղալումյանը թիկունքից մոտեցավ ու հարվածեց նրան: Դրան հաջորդեց մեծ ծեծուջարդ, որին մասնակից էին նաև ՔՊ-ական պատգամավորների օգնականները:
Հենց պատգամավորի և լրագրողների ֆիքսած կադրերում երևում է, ինչպես են փոխադարձ հարվածներ հասցնում միմյանց իշխանական և ընդդիմադիր պատգամավորները:
Ինչես միշտ, «ուժեղ տղայի» դերում ակտիվորեն դրսևորվում էին ՔՊ-ական Նարեկ Գրիգորյանը, Ռուստամ Բաքոյանը, Տիգրան Պարսիլյանն ու Արսեն Թորոսյանը: Իսկ հրահրողը, ինչպես արդեն նշեցինք, Փաշինյանի ընտանիքի մտերիմ Վահե Ղալումյանն էր, ով մշտապես աչքի է ընկնում նման վարքագծով, բայց ոչ՝ պատգամավորի լիազորությունները պատշաճ կատարող:
Կադրերից երևում է, օրինակ, ինչպես է Ռուստամ Բաքոյանը քաշում ընդդիմադիր պատգամավոր Արգիշտի Գևորգյանին, ապա մի քանի գործընկերոջ հետ սկսում հարվածներ հասցնել նրան: Կամ ինչպես է կարկառուն ՔՊ-ական Արթուր Հովհաննիսյանը ջրով լի շիշը նետում ընդդիմադիրների ուղղությամբ, սակայն փուստ է տալիս և շիշը կպնում է իր իսկ գործընկերոջը:
Ընդդիմադիր պատգամավոր Քրիստինե Վարդանյանից հետաքրքրվել են, թե արդյո՞ք վնասվածքներ ունի Արգիշտի Գևորգյանը, որին ի պատասխան պատգամավորը մեզ ասաց` լուրջ վնասվածքներ չկան, քերծվածքներ են․ «Լուրջ վնասվածք ստացած պատգամավոր չունենք»:
Տես՝ այստեղ
և այստեղ
Բաց մի թողեք
Խիստ լարված իրավիճակ. Բագրատաշենի անցակետ տանող ճանապարհը վարորդները փակել են. Տեսանյութ
Նրան ճնշում են, թե չեն ճնշում, ես գործ չունեմ. Կարապետյան
«Բոլորին դեմ եմ» կուսակցությունը «Գործ կարելու» ակցիա է իրականացրել. Լուսանկար