Իրանի նախագահ Մասուդ Փեզեշքիանը վիրավորվել է Թեհրանի վրա Իսրայելի հարվածի հետևանքով և ստացել է ոտքի թեթև վնասվածքներ։ Դեպքը տեղի է ունեցել հունիսի 16-ին՝ Ազգային անվտանգության բարձրագույն խորհրդի նիստի ժամանակ:
Ըստ Rbc.ru-ի, այս մասին հաղորդել է Fars-ը։
Գործակալությունը հայտնել է, որ հրթիռակոծվել են շենքի մուտքերն ու ելքերը, սակայն պաշտոնյաներին հաջողվել է շենքից դուրս գալ արտակարգ ելքի միջոցով։
Հաշվի առնելով այն տեղեկատվության ճշգրտությունը, որի վրա հիմնված է եղել Իսրայելի հարվածը, Թեհրանը հետաքննում է տեղեկատվության արտահոսքի հնարավորությունը:
Ըստ Fars-ի՝ հարձակումը «մոդելավորվել է» լիբանանյան շիաների «Հեզբոլլահ» շարժման առաջնորդ Հասան Նասրալահի սպանության օրինակով, որը սպանվել էր իսրայելական ավիահարվածի ժամանակ Բեյրութի հարավային արվարձան Դահիյայում գտնվող խմբավորման ստորգետնյա շտաբ-բնակարանի վրա՝ 2024 թվականի սեպտեմբերի 27-ի երեկոյան:
Ավելի վաղ Իրանի նախագահ Մասուդ Փեզեշքիանը հայտարարել էր, որ Իսրայելի իշխանությունները փորձել են մահափորձ կազմակերպել իր դեմ, ինչը ձախողվել է։
Բաց մի թողեք
Չեխիան Ուկրաինային մոտ 800 մլն դոլարի ռազմական օգնություն է տրամադրել
Ռուսաստանից քանի հայ վարորդի են «դեպորտ արել»
Փաշինյանը սկսեց գրոհը. հոգևորական է ձերբակալվել, թեմի առաջնորդի տուն են խուզարկել․ Լուսանկար