Քաղաքականության մեջ, ասում են, մաքուր մարդիկ չեն լինում: Առհասարակ` մաքուր մարդու փնտրտուքը Գոդոյին սպասելուն է նման, որը երբեք չի գալու, որին երբեք չես հանդիպելու:
Հրապարակ թերթը գրել է․ Մեր հասարակության` մաքուր քաղաքական դեմք, չվարկաբեկված գործիչ, իշխանության հավակնող անբասիր թեկնածու փնտրելու, նման թեկնածուի սպասելու պահանջը շատ նման է այն աղջիկների սպասումին, որոնք սպիտակ ձիու վրա նստած ասպետին են սպասում ողջ կյանքում եւ այդպես էլ չեն ամուսնանում:
Խելամիտ ժողովուրդներն իրենց կյանքը չեն մաշում հրեշտակների, անբասիր ու չվարկաբեկված գործիչների սպասումի վրա, մանավանդ՝ կյանքը ցույց է տալիս, որ նման սպասումը երբեմն ավարտվում է 2018 թվականի իշխանափոխությամբ եւ Նիկոլ Փաշինյանի նման «ասպետի» ժամանումով:
Խելացի ժողովուրդներն իրենց համար ձեւակերպում են պահանջների հստակ ցանկ եւ որոշում, թե որն է դրանցից առաջնային, իսկ որի հարցում կարելի է կոմպրոմիսի գալ:
Այնպես, ինչպես բնակարան գնելիս երբեք չես գտնում իդեալական տարբերակ եւ ինչ-որ հարցերում զիջում ես, օրինակ` մեկը լավ տեսարանից է հրաժարվում, մյուսը` մեծ խոհանոցից, երրորդը` բաց պատշգամբից:
Հիմա դուք պետք է որոշեք` ո՞րն է կարեւոր. որ թեկնածուն նախկինների հետ որեւէ առնչություն չունենա՞, թե՞ անցյալում բարձր պաշտոն զբաղեցրած լինի եւ կառավարման փորձ ունենա, կայացած բիզնեսմե՞ն լինի, որը պետական բյուջեից փող չի աշխատի, թե՞ խելացի անձ` լավ կրթություն ստացած, բայց 3 սենյականոցում 5 հոգով ապրող:
Պետք է կողմնորոշվեք` իշխանության եք ուզում բերել իշխանությա՞ն համար, թե՞ հայրենիքի համար կյանքը տալու պատրաստ անձի:
Եվ, առհասարակ, ցանկացած մեկին պիտակներ կպցնելուց առաջ գուցե արժի շանս տալ, լսել, ուսումնասիրել մարդուն, հետո նոր որոշումներ կայացնել:
Բաց մի թողեք
Վազգեն Ռշտունուին մեկնաբանել է Արման Եղոյանի գրառումը, իսկ ՔՊ-ականները գրոհ են սկսել
ՔՊ-ականներն արձակուրդները կանցկացնեն ՔՊ վարչության ընտրություններին պատրաստվելով. ովքե՞ր են հայտ ներկայացրել. Լուսանկար
Ռոմանոս Պետրոսյանը ՀԷՑ-ում կադրային ջարդ է սկսել. հիմքում քաղաքական կամակորությունն է