Նորամուծություն Միացյալ Նահանգների վիզայի տրամադրման համար․ ինչ է պետք իմանալ

Միացյալ Նահանգները միջազգային այցելուներից կպահանջի վճարել առնվազն 250 դոլարի չափով նոր «վիզայի բարեխղճության վճար», որը կավելացվի վիզայի դիմումի գործող ծախսերին։

Գումարը կվերադարձվի վիզայի պայմանները չխախտելու դեպքում, գրել են ԶԼՄ-ները։

Այս գործընթացը կիրականացվի՝ համաձայն ԱՄՆ ներքին քաղաքականության մասին օրինագծի։ Սա կվերաբերի բոլոր այցելուներին, որոնք պետք է ձեռք բերեն ոչ ներգաղթային վիզաներ Միացյալ Նահանգներ մուտք գործելու համար:

Այս կարգավորումը ներառում է հանգստի և աշխատանքի նպատակով ճանապարհորդներին, միջազգային ուսանողներին և այլ ժամանակավոր այցելուների: 2024 ֆինանսական տարում ԱՄՆ-ն տրամադրել է գրեթե 11 միլիոն ոչ ներգաղթային վիզա: