Ավանեսյանի պնդմամբ` Բագրատ սրբազանի հայցին պետք է պատասխանել համընդհանուր հայցով

«Առողջապահության նախարար Անահիտ Ավանեսյանն ընդդիմության վրա ակտիվ հարձակումով իր քաղաքական կարիերայի աճն է փորձում ապահովել. դատական հայց՝ վարչության անդամության դիմաց:

«Ժողովուրդ» օրաթերթը գրում է. Հիշեցնենք, որ Ավանեսյանի դեմ Բագրատ արքեպիսկոպոս Գալստանյանը դատական հայց էր ներկայացրել: Ի պատասխան` նախարարը երեկ հայտարարեց, թե քրեական գործով հրապարակված վիճահարույց ձայնագրությանը, թե իբր սրբազանը քաղաքացիներին «խորը անասուն» է անվանել, պետք է համընդհանուր հայցով պատասխանել:

Ավանեսյանի այս ակտիվացումը, սակայն, թիմում պատահական չեն համարում. առջեւում ՔՊ վարչության ընտրություններն են, իսկ ինքը առաջադրվել է վարչության անդամ դառնալու համար՝ պայքարելու կանանց համար նախատեսված քվոտայով կուսլիդերների շարքը համալրելու։ ՔՊ-ական կանանց մեջ պայքարը շատ թեժ է, եւ հիմա տիկին նախարարը որոշել է այս գնով իր հավատարմությունը ցույց տալ առաջնորդին։

Բայց այստեղ առաջանում են տարբեր հարցեր:

– Նախ՝ Արքեպիսկոպոս Գալստանյանի դեմ միասնական հայց կազմակերպելը ինչո՞ւ է հիմա սկսվում, եթե այդ մասին, ինչպես փաստաբաններն են գնահատել, «վիճահարույց» ձայնագրությունը մոտ մեկ ամիս առաջ էր քննչականը հրապարակել:

– Հետո՝ ինչո՞ւ է Ավանեսյանն իրեն «ներառել» նշված «խորը անասուն» արտահայտության անձանց թվում, կամ ինչո՞ւ է ուզում, որ մարդիկ իրենց վերագրեն դեռ չապացուցված ձայնագրության եւ անհասցե «խորը անասուն» արտահայտությունը ու գնան դատարան։

– Երրորդ՝ Ավանեսյանը, լինելով իրավաբան, իր կայացրած որոշումների մեծամասնության դեպքում դատարաններում պարտվել է, հիմա ի՞նչ հույս ունի, որ հաղթելու է, եթե իշխանական լծակների վրա չի հենվում:

Ամեն դեպքում, «խորը անասունների» թեման լրջանում է»։