Նախօրեին գրել էինք, որ Արարատի բնակիչ Ստեփան Սամվելյանին ձերբակալել են «Հանրապետություն» կուսակցության ղեկավար Արամ Սարգսյանի սպանությունը կազմակերպելու մեղադրանքով, իսկ այսօր` հուլիսի 24-ին նրան 2 ամսով կալանավորել են։
Սամվելյանն, ով թունդ ընդդիմադիր է եւ մամուլի ակումբներում հաճախ է ելույթ ունենում, հատկապես խոսում է Վազգեն Սարգսյանի եղբոր՝ Արամ Սարգսյանի դեմ, նրան մեղադրելով իրենից բիզնես խլելու համար։
Քննչական կոմիտեից հաստատել էին մեր տեղեկությունը՝ նշելով, որ նշված անձն ունի մեղադրյալի կարգավիճակ, քրեական գործ է հարուցվել․
«Դեպքի առթիվ նախաձեռնվել է քրեական վարույթ քրեական օրենսգրքի 43-155-րդ հոդվածի (սպանության կազմակերպում) եւ 335-րդ հոդվածի առաջին մասին հատկանիշներով (Հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը)։ Հայտնաբերվել է նռնակ»:
Իրավապահ համակարգից մեզ այսօր փոխանցեցին, որ Սամվելյանին նախաքննական մարմինը մեղադրում է ոչ միայն Արամ Սարգսյանի, այլ նաեւ «Հանրապետություն» կուսակցության նախկին անդամ, Արամ Սարգսյանի մտերիմ, այժմ ՍԴ դատավոր Արտակ Զեյնալյանի սպանությունը կազմակերպելու մեջ։
Նա մի հեռախոսազրույցում տաքացել է եւ ասել` սպանելու եմ դրանց, այդ զրույցը գաղտնալսվել է եւ դրվել մեղադրանքի հիմքում: Դատարանը հաշվի չի առել նրա առողջական եւ էմոցիոնալ վիճակը:
Բաց մի թողեք
Ծառուկյանի փեսա Կարապետ Գուլոյանից հօգուտ ՀՀ-ի կբռնագանձվի շուրջ 1 մլրդ 300 մլն դրամ, բանկի 2000 բաժնետոմս, անշարժ գույքեր
Ինչ մեղադրանքներով են ձերբակալվել «Ուժեղ Հայաստան» կուսակցության ներկայացուցիչները
Մեկնարկել է Սամվել Կարապետյանի գործով դատավարությունը