«Զանգեզուրի միջանցքի» նախագիծը ծուղակ է․ Խամենեի խորհրդական․ Լուսանկար

Իսլամական հեղափոխության առաջնորդ Իմամ Խամենեիի միջազգային հարցերով խորհրդական, դոկտոր Ալի Աքբար Վելայաթին հայտարարություններ է արել «Զանգեզուրի միջանցքի» նախագծի վերաբերյալ։

Նրա խոսքով՝ այս նախագիծը իրականում ուղղված չէ տարածաշրջանային ինտեգրմանը, տնտեսական կայունությանը կամ ժողովրդի բարեկեցությանը։ Ընդհակառակը՝ այն նախատեսում է ցամաքով շրջափակել Իրանը, Ռուսաստանը և Դիմադրության ճակատը։

Վելայաթին զգուշացրել է, որ Թեհրանը այս սպառնալիքին արձագանքում է ոչ միայն խոսքերով, այլև գործողություններով.

Իրանը ռազմական ուժեր է տեղակայել սահմաններին և զորավարժություններ է անցկացրել՝ ցուցադրելով իր «կարմիր գիծը»։

Պասիվ և դիտողական քաղաքականության դարաշրջանն ավարտվել է. Իրանն այժմ հետապնդում է կանխարգելիչ և ակտիվ գործողությունների ռազմավարություն։

Այս միջանցքի հետևում կանգնած են Միացյալ Նահանգները, ՆԱՏՕ-ն, սիոնիստական ռեժիմը և պանթյուրքիստական շրջանակները։