FIP. – Օրերս ադրբեջանցի Արզուխան Ալիզադե անունով մի պատգամավոր պնդել է, թե իբր Ադրբեջանի հողային պահանջները Հայաստանից լեգիտիմ են՝ ունեն իրավական հիմք, մասնավորապես նշելով, թե «միջազգային իրավունքով Ադրբեջանին են պատկանում» հայկական Սևանը, Սյունիքն ու Վայոց ձորը (վերջինս դրանք կոչել է մտացածին ադրբեջանական ինչ-որ տեղանուններով)։
Ադրբեջանական փաստեր ստուգող Fakt Yoxla հարթակը, որը Փաստերի ստուգման միջազգային ցանցի (IFCN) անդամ է, ստուգել է այս պնդումը՝ նշելով, որ Ադրբեջանը ճանաչել է Հայաստանի տարածքային ամբողջականությունը՝ վերոհիշյալ բնակավայրերը ներառյալ՝ 1991 թվականին ընդունված Ալմա-Աթայի հռչակագրի համաձայն և պարտավորվել է չփոխել առկա պետական սահմանները։
Ադրբեջանցի փաստեր ստուգողները ընդգծել են, նաև, որ Ադրբեջանի կողմից պաշտոնական ճանաչված փաստաթղթերից 1921 թվականին Կարսի պայմանագրով ևս այդ տարածքները Հայաստանին են պատկանում։ Ավելին՝ 2021 թվականին Ադրբեջանի և Թուրքիայի միջև ստորագրված Շուշիի հռչակագրում կողմերը հայտարարել են, որ հավատարիմ են Կարսի պայմանագրին։
Այսպիսով, փաստեր ստուգողները եզրակացրել են, որ Սևանի, Սյունիքի ու Վայոց ձորի նկատմամբ Ադրբեջանի տարածքային պահանջներն իրավական հիմք չունեն։
Բաց մի թողեք
Երկամսյա հանձնարարական՝ ութամսյա գործընթաց. ինչո՞ւ է ուշանում Երևանի օդի որակի բարելավման քառամյա ծրագիրը
Ինչու էին Գյումրու կենտրոնում գործող շատրվանները «պարում» ռուսական՝ «Դոլյա Վորովսկայա»-ի երգի տակ
Բագրատ և Միքայել Սրբազանները կմասնակցեն Վարդավառի տոնի պատարագին, որը կմատուցվի ՔԿՀ-ում