ԱԺ նախկին պատգամավոր, օլիմպիական փոխչեմպիոն, Աշխարհի, Եվրոպայի չեմպիոն, ըմբիշ Արսեն Ջուլֆալակյանի ֆեյսբուքյան գրառումը․
«Առաջարկում եմ ԱՄՆ-ում սպասվելիք հերթական «մեծ հաղթանակից» առաջ մի փոքր թարմացնենք մեր հիշողությունը:
Չէ՞ որ գործ ունենք քպ անունով աննախադեպ քաղաքական թիմի հետ, որն իր վարչապետի առաջնորդությամբ, երբեք չի վրիպում և միշտ «հաղթանակած» է դուրս գալիս՝ նույնիսկ ամենաանելանելի իրավիճակներից:
Եվ այսպես, քպ-ի տիեզերական մասշտաբի «հաղթանակները»:
«Արցախը Հայաստան է և վերջ» արեցին, հետո պատերազմը հաղթեցին, ապա որոշեցին Շուշիի և Հադրութի դեօկուպացումն ապահովել։ Մի փոքր իջեցրին Արցախի հարցում նշաձողը, ընթացքում պատահաբար Արցախը ճանաչեցին Ադրբեջանի կազմում։
Հայտարարեցին, որ Արցախում էթնիկ զտումներ չկան, հպարտացան իրենց այդ նվաճումով՝ որպես սեփական հաջողության պատմություն:
Վերջում էլ վերոնշյալ հերոսությունների շարքն եզրափակեց քպ-ական բացարձակ ունիկալ մի արարած՝ հայտնելով, որ Գրանադայում լուրջ հաղթանակի են հասել, չվախենանք (05.10.23թ): Հա, ու որ միջանցքի թեման էլ փակել են…
Կարծում եմ, ոչ էլ արժի սպասել ԱՄՆ-ին:
Կարող ենք հիմիկվանից պայմանավորվել, որ ինչ էլ լինի, մենք մեզ պարտված չենք համարելու:
Իսկ ավելի ճիշտ՝ հաղթել ենք»:
Բաց մի թողեք
Իրանը խստորեն պետք է հակադարձի Զանգեզուրի միջացքն այլ անվան տակ շահագործողներին․ Վելայեթի
Ինչ է թե հանկարծ պատերազմ չլինի, որ իրենք իշխանության մնան․ Ուլոյան
Սա Թրամփ-Ալիեւ գործարք էր, որում Փաշինյանը ընդամենը բուտաֆորիայի դեր ա խաղացել․ Զուրաբյան