ԱՄՆ նախագահ Դոնալդ Թրամփը օգոստոսի 8-ին Վաշինգտոնում Սպիտակ տանը կհանդիպի Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ, հաղորդում է The Washington Post-ը՝ հղում անելով երկու անանուն ամերիկացի պաշտոնյաների։
Աղբյուրներից մեկը հայտարարել է, որ, հնարավոր է, հանդիպման արդյունքներով հայտարարվի Հայաստանի և Ադրբեջանի միջև խաղաղության համաձայնագրի մասին, որոնք մի քանի տասնամյակ գտնվում էին հակամարտության մեջ:
Հայաստանի կառավարությունը հաստատել է, որ վարչապետ Նիկոլ Փաշինյանը օգոստոսի 7-8-ը կայցելի Վաշինգտոն։ Ըստ մամուլի ծառայության՝ Վաշինգտոնում ՀՀ վարչապետ Փաշինյանը երկկողմ հանդիպում կունենա Ամերիկայի Միացյալ Նահանգների նախագահ Դոնալդ Ջ. Թրամփի հետ՝ Հայաստան-ԱՄՆ ռազմավարական գործընկերությունը խորացնելու նպատակով, ինչպես նաև եռակողմ հանդիպում՝ ԱՄՆ նախագահ Դոնալդ Ջ. Թրամփի և Ադրբեջանի նախագահ Իլհամ Ալիևի հետ՝ միտված տարածաշրջանում խաղաղության, բարօրության և տնտեսական համագործակցության առաջմղմանը։
Բաց մի թողեք
Գյումրիում ընդդիմությունը միավորվեց, իշխանափոխություն չի լինի
Խոշոր վթար, Աշտարակ-Եղվարդ ճանապարհին բախվել են հարսանիքի քավորի «Opel»-ն ու «07»-ը, քավորկինը վիրավnրներից մեկն է. Լուսանկար
Տ․Թադե քահանա Թախմազյանը կարգալույծ է հռչակվել․ Լուսանկար