Երևանն ու Բաքուն այլևս միասնական ճակատով գործում են Ռուսաստանի դեմ …

Չոր փաստեր.

* ՌԴ-ն կանգնեցրեց 2020 թ. 44-օրյա պատերազմը, խաղաղության պայմանագիրը նախաստորագրվեց ԱՄՆ-ում. Փաշինյանն ու Ալիևը Թրամփին են փառաբանում, ներկայացնում Նոբելյան մրցանակի:

* Հայաստանն ու Ադրբեջանը համարում են, որ ՛՛նոյեմբերի 9-ի եռակողմ պայմանավորվածություններն այլևս արդիական չեն և անցյալում են՛՛:

* Հայաստանն ու Ադրբեջանը համարում են, որ միմյանց միջև փոխշփումներն ու բանակցություններն ավելի ողջամիտ և արդյունավետ են՝ առանց որևէ, այդ թվում՝ Մոսկվայի միջնորդության:

* Հայաստանն ու Ադրբեջանն իրենց հարաբերությունների կարգավորման համար հաշվետու են Թուրքիային:

* Հայաստանն ու Ադրբեջանը պատմական ու նշանակալից ձեռքբերում են համարում ՛՛Թրամփի երթուղին՛՝ հնարավոր ամերիկյան վերահսկողությամբ և ամերիկյան զինուժի տեղակայմամբ:

* Հայաստանն ու Ադրբեջանը լարված հարաբերություններ ունեն Ռուսաստանի հետ, Երևանի դեպքում այն ընդգծված ու ակնհայտ է, Բաքվում հակառուսական դեմարշը նոր թափ է ստանում:

* Հայաստանն, ըստ էության, ՀԱՊԿ-ից դուրս գալու գործընթացի մեջ է, Ադրբեջանը՝ ՀԱՊԿ անդամ չէ:

* Հայաստանը ԵԱՏՄ անդամ է, բայց 5 պակաս է, որ դուրս գա և կպնի ԵՄ-ին, Ադրբեջանն անդամ չէ:

* Հայաստանն ու Ադրբեջանն ԱՊՀ անդամներ են, Երևանի մասնակցությունը զուտ մարգինալ, արարողակարգային է, Բաքուն վերջերս չմասնակցեց կառույցի խորհրդի նիստին՝ հարաբերությունների վատթարացման ֆոնին:

Հարց՝ Արդյո՞ք չի կարելի համարել, որ Երևանն ու Բաքուն այլևս միասնական ճակատով գործում են Ռուսաստանի դեմ…