Նախօրեին ՌԴ նախագահը ՌԴ ԱԽ արտակարգ նիստ է հրավիրել:
Ինչպես հայտնում են ռուսական լրատվամիջոցները, ԱԽ նիստում Վլադիմիր Պուտինը, նկատի առնելով անհրաժեշտ տեղեկատվության հավաքագրումը, հրամայել է սկսել հնարավոր միջուկային զենքի փորձարկումների նախապատրաստական աշխատանքները:
Պետության ղեկավարը հանձնարարել է Ռուսաստանի արտաքին գործերի նախարարությանը, պաշտպանության նախարարությանը, հատուկ ծառայություններին և «համապատասխան քաղաքացիական գերատեսչություններին» անել հնարավոր ամեն ինչ լրացուցիչ տեղեկատվություն հավաքելու համար։
«Անվտանգության խորհրդում անցկացնել այս տեղեկատվության վերլուծություն և ներկայացնել համակարգված առաջարկներ միջուկային զենքի փորձարկումների նախապատրաստման աշխատանքների հնարավոր մեկնարկի վերաբերյալ», – եզրափակել է պետության ղեկավարը։
Նա հավելել է, որ սպասում է գերատեսչությունների զեկույցին։ ԱԴԾ տնօրեն Ալեքսանդր Բորտնիկովը խնդրել է նախագահին ԱԽ անդամներին որոշ ժամանակ տալ միասնական որոշման հասնելու համար, քանի որ իրավիճակը շատ լուրջ և բարդ է։
ԱԽ նիստի սկզբում Պետդումայի նախագահ Վյաչեսլավ Վոլոդինը հարցրել է Պուտինին Ռուսաստանի գործողությունների մասին ԱՄՆ նախագահ Դոնալդ Թրամփի կողմից միջուկային փորձարկումների վերսկսման մասին հայտարարությունից հետո։
Ռուսաստանի պաշտպանության նախարար Անդրեյ Բելոուսովը Ռուսաստանի Անվտանգության խորհրդի նիստում կոչ է արել անհապաղ նախապատրաստվել միջուկային փորձարկումների՝ ԱՄՆ գործողությունների լույսի ներքո։
Բաց մի թողեք
Զելենսկին հայտնել է Պուտինի հետ հանդիպման նախապայմանները
Դուք մեծ առաջնորդ եք, երկնքից ուղարկված պետական գործիչ. Տոկաևը՝ Թրամփին
«Օզեմպիկ»-ի արտադրող դեղագործական ընկերության ղեկավարը կորցրել է գիտակցությունը Թրամփի աշխատասենյակում․ Լուսանկար