Ադրբեջանի արտաքին գործերի նախարարությունը հայտարարություն է տարածել նոյեմբերի 8-ի՝ այսպես կոչված «Հաղթանակի օրվա» կապակցությամբ։
Հայտարարության մեջ նշվում է, որ «այս մեծ օրը, որը հավերժ դրոշմվել է ադրբեջանցիների սրտերում, խորհրդանշում է ոչ միայն 44-օրյա Հայրենական պատերազմում փառահեղ հաղթանակի տոնակատարությունը, այլև ծառայում է որպես ազգային ուժի, վճռականության և միասնության հավերժական մարմնացում»։
Նշվում է, որ հինգ տարի առաջ, «Ադրբեջանի նախագահ Իլհամ Ալիևի վճռական ղեկավարության և զինված ուժերի աննախադեպ քաջության շնորհիվ, ավարտվեց Հայաստանի կողմից գրեթե երեսուն տարվա ռազմական օկուպացիան, և վերականգնվեց Ադրբեջանի տարածքային ամբողջականությունը»։
«Մեծ վերադարձ» ծրագրի միջոցով Ադրբեջանն իր անսասան կամքն ու լայնածավալ ռեսուրսներն ուղղորդում է օկուպացիայից ազատագրված տարածքների վերականգնման մեծ խնդրի իրականացմանը։ Ներքին տեղահանված անձանց իրենց հայրենի հողեր անվտանգ և արժանապատիվ վերադարձի ապահովումը մեր Հաղթանակի էության և գերագույն նպատակի ամենավառ դրսևորումն է»,-ասվում է գերատեսչության ուղերձում։
Ադրբեջանի ԱԳՆ-ի հայտարարության մեջ նաև ասվում է, որ «Ադրբեջանը հետևողականորեն խթանում է Հարավային Կովկասում կայուն խաղաղությունը և տարածաշրջանային համագործակցությունը».
«Ադրբեջանը ակտիվորեն ներգրավված է Հայաստանի հետ հարաբերությունների կարգավորման գործընթացում՝ հիմնվելով ինքնիշխանության և տարածքային ամբողջականության փոխադարձ հարգանքի սկզբունքների վրա՝ տարածաշրջանային կայունության, համագործակցության և կայուն զարգացման համար։ 2025 թվականի օգոստոսի 8-ին Վաշինգտոնում կայացած Ադրբեջանի, Միացյալ Նահանգների և Հայաստանի առաջնորդների գագաթնաժողովը պատմական նշանակություն ունի։
Վաշինգտոնի գագաթնաժողովի դրական իմպուլսը իրական առաջընթացի վերածելու համար անհրաժեշտ են իրական քաղաքական կամք և կառուցողական քայլեր։ Այս համատեքստում Հայաստանը պետք է ճիշտ գնահատի այս կարևոր հնարավորությունը, իր Սահմանադրությունից ամբողջությամբ հեռացնի Ադրբեջանի նկատմամբ տարածքային պահանջները և հարգանք ցուցաբերի տարածաշրջանային նոր իրողությունների նկատմամբ, որպեսզի հնարավոր լինի ստորագրել խաղաղության պայմանագիր»։
Բաց մի թողեք
Սերժ Սարգսյանը կասկածում է, որ Արցախի ռազմաքաղաքական ղեկավարներին Բաքու են տարել ՀՀ իշխանությունների միջամտությամբ
Երևանի 28 փողոցներում լուսավորության ծրագիրը կատարվել է ընդամենը 35 տոկոսով
Փաշինյանը իրական աջակցության կարիք ունի, որը դեռևս չի ստանում, ու պարզ էլ չի երբևէ կստանա՞